करमाडजवळील दुर्घटना : दुभाजकावर आदळून दुचाकीस्वाराचा मृत्यू; मागून येणाऱ्या वाहनाने हूल दिली...

By City News Desk

On 15 Mar 2026

करमाडजवळील दुर्घटना : दुभाजकावर आदळून दुचाकीस्वाराचा मृत्यू; मागून येणाऱ्या वाहनाने हूल दिली...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : दुसऱ्या वाहनाने हूल दिल्याने चालकाचे नियंत्रण सुटून दुचाकी थेट दुभाजकावर धडकली. यात हिरालाल गोपीचंद साळुंके (वय ५०, रा. भांबर्डा, ता. छत्रपती संभाजीनगर) यांचा मृत्यू झाला. हा अपघात शनिवारी (१४ मार्च) दुपारी करमाडजवळील लाडसावंगी मार्गावर धूत कंपनी चौकात घडली.

हिरालाल साळुंके हे छत्रपती संभाजीनगर शहरातील काम आटोपून दुचाकीने (क्र. एमएच २० डीवाय २५२३) घरी भांबर्डा येथे परतत होते. ते डीएमआयडीसीतून लाडसावंगी मार्गाकडे जात असताना धूत कंपनी चौकाजवळ मागून येणाऱ्या अज्ञात वाहनाने अचानक हुलकावणी दिली. त्यामुळे साळुंके यांचे दुचाकीवरील नियंत्रण सुटले आणि ते थेट रस्त्यावरील दुभाजकावर जाऊन आदळले.

यात साळुंके यांच्या डोक्याला गंभीर मार लागला. ते रस्त्यावर बेशुद्ध पडले होते. नागरिकांनी त्यांना तातडीने छत्रपती संभाजीनगर येथील घाटी रुग्णालयात दाखल केले. मात्र, तपासून डॉक्टरांनी मृत घोषित केले. साळुंके यांच्या पश्चात पत्नी, दोन मुले आणि एक मुलगी असा परिवार आहे. अपघाताची नोंद करमाड पोलिसांनी घेतली आहे. तपास पोलीस निरीक्षक सम्राटसिंह राजपूत यांच्या मार्गदर्शनाखाली पोलीस अंमलदार प्रसाद नांदवे, दादासाहेब ढवळे करत आहेत.