छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : सुसाट कारने मोपेडला उडवले. यात वकील आणि त्यांच्या पत्नी जखमी झाल्या. मोपेडचे नुकसान झाले. चष्मा फुटला आणि बूट आणि चप्पलही गहाळ झाली आहे. वकिलांच्या तक्रारीवरून पोलिसांनी कारचालकाविरुद्ध शनिवारी (८ नोव्हेंबर) गुन्हा दाखल केला आहे. ही घटना जुबिली पार्कजवळील महावितरण कार्यालयासमोर शुक्रवारी (७ नोव्हेंबर) रात्री साडेदहाच्या सुमारास घडली.
ॲड. मनोहर रामदास लोखंडे (वय ५३, रा. कोकणवाडी, आरसीसी क्लासेससमोर) यांनी या प्रकरणात तक्रार दिली आहे. ते पत्नी कविता यांच्यासह सुझुकी ॲक्सेस मोपेडने (MH20 GA1956) घाटी रुग्णालयातून मिलकॉर्नरमार्गे राहत्या घरी कोकणवाडीकडे येत होते. जुबिली पार्क सिग्नल ओलांडल्यानंतर महावितरण कार्यालयासमोर त्यांच्या मोपेडच्या डाव्या बाजूने एक पांढऱ्या कारने त्यांना डाव्या बाजूने धडक दिली. यात लोखंडे दाम्पत्य खाली पडले. त्यांच्या डाव्या पायाला मुक्का मार लागला.
पत्नीच्या उजव्या पायाला मुक्का मार लागला. मोपेडचेही नुकसान झाले. सहा हजारांचा चष्माही फुटला. पायातील २३०० रुपयांचे दोन्ही बूट व कविता यांच्या बावीशे रुपयांच्या चपला पडून गहाळ झाल्या आहेत. कारचालक न थांबता कारसह मिलकॉर्नरकडे निघून गेला. त्यानंतर गाडीने कारमागे ॲड. लोखंडे रेल्वेस्टेशनपर्यंत गेले. मात्र कारचालक मिळून न आल्याने ते पोलीस ठाण्यात तक्रार करण्यासाठी आले. अधिक तपास सहायक पोलीस उपनिरीक्षक सईद खान करत आहेत.
.jpeg)
.jpg)
