रस्त्याच्या दुभाजकावर खांब रोवून लावला हिरवा झेंडा, बेगमपुरा पोलिसांनी युवकाला घेतले ताब्यात

छत्रपती संभाजीनगर (मेट्रोपोलिस पोस्ट वृत्तसेवा) : रस्त्याच्या दुभाजकावर विनापरवानगी खांब रोवून त्यावर हिरवा झेंडा लावणाऱ्या तरुणाला बेगमपुरा पोलिसांनी सोमवारी (१६ डिसेंबर) गुन्हा दाखल करत ताब्यात घेतले. मकई गेटते टाऊन हॉल रस्‍त्‍यावर हा प्रकार त्याने केला.

महपालिकेचे स्वच्छता निरीक्षक आशिष शिंदे यांनी या प्रकरणात तक्रार दिली आहे. रविवारी (१४ डिसेंबर) सायंकाळी सहाच्या सुमारास त्यांना गोपनीय माहिती मिळाली, की मकई गेटते टाऊन हॉल जाणाऱ्या सार्वजनिक रोडच्या दुभाजकात एक व्यक्ती लोखंडी खांब गाडून त्यावर झेंडा लावत आहे. त्यामुळे शिंदे यांनी लगेचच पथकासह धाव घेतली. सव्वा सहाला त्या ठिकाणी आले. त्या ठिकाणी पोलीससुद्धा आलेले होते. बघ्यांची गर्दीसुद्धा जमलेलीहोती. खांब रोवून त्यावर हिरव्या रंगाचा झेंडा लावलेला दिसला.

झेंडा लावणारासुद्धा तिथे हजर होता. पोलिसांनी त्याला त्याचे नाव विचारले असता त्याने नाव दाऊद अब्दुल खान (वय ३०, रा. मकईगेट रोड प्रगती कॉलनी, छत्रपती संभाजीनगर) असे सांगितले. पोलिसांनी खांब व झेंड्याचे मोबाइलमध्ये चित्रिकरण केले आहे.  दाऊद खानने झेंडा लावण्यासाठी महापालिकेची तात्पुरती किंवा कायमस्वरुपी परवानगी घेतलेली नव्हती. त्यामुळे त्याच्याविरुद्ध सार्वजनिक मालमत्तेचे विद्रुपीकरण केल्याचा गुन्हा दाखल करण्यात आला आहे. अधिक तपास पोलीस अंमलदार फिरोज पठाण करत आहेत.