Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : कामगारांची ने-आण करणाऱ्या बसवर काही दारूड्यांनी दगडफेक करत धिंगाणा घातल्याचा प्रकार जयभवानीनगर चौकात गुरुवारी (९ ऑक्टोबर) रात्री ११ च्या सुमारास घडला. यामुळे नागरिकांत दहशत पसरली होती. पोलीस येईपर्यंत टवाळखोरांनी पळ काढला.
जयभवानीनगर चौकात रोज रात्री टवाळखोर जमतात. गुरुवारी रात्री त्यांचा गोंधळ जास्तच वाढला. ते रस्त्यावर आरडाओरड करत धिंगाणा घालू लागले. याचवेळी कामगारांची बस जात असताना टवाळखोरांनी बसवर दगडफेक केली. त्यामुळे बसचालक घाबरून गेला. बसची समोरील चाक फुटली. चालकाने बस थांबवली. बसमधील कामगार उतरले. पोलीस निरीक्षक अशोक भंडारे यांना या प्रकाराची माहिती मिळताच त्यांनी पोलीस उपनिरीक्षक सुनील म्हस्के यांना सहकाऱ्यांसह घटनास्थळी रवाना केले. मात्र तोपर्यंत टवाळखोर गायब झाले. पोलिसांनी रात्री उशिरापर्यंत टवाळखोरांचा शोध घेतला. गेल्या काही दिवसांपासून टवाळखोरांचा उच्छाद जयभवानीनगर चौकात वाढला आहे. त्यामुळे गस्त वाढविण्याची मागणी होत आहे.
.jpg)
