रांजणगाव शेणपुंजीच्या ग्रामविकास अधिकाऱ्यावर गंभीर आरोप

By City News Desk

On 11 Dec 2025

रांजणगाव शेणपुंजीच्या ग्रामविकास अधिकाऱ्यावर गंभीर आरोप

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : रांजणगाव शेणपुंजी (ता. गंगापूर) येथील ग्रामविकास अधिकारी गणेश धनवई यांच्यावर एका सामाजिक कार्यकर्त्याने गंभीर आरोप केले आहेत. धनवई यांनी लाखो रुपयांच्या आर्थिक व्यवहारातून शेकडो मिळकतींना खोट्या पद्धतीने गावठाण प्रमाणपत्रे दिल्याचा गंभीर आरोप जिल्हाधिकाऱ्यांना दिलेल्या निवेदनात करण्यात आला आहे.

बुद्धिस्ट सोशल फाऊंडेशनचे भीमराव मोरे यांनी निवेदनात म्हटले आहे, की शिवाजी महाराज स्मारकाजवळील मंगलमूर्ती कॉलनीला लागून असलेल्या गट नंबर १०५ मधील शेतजमिनीला शासनाची कोणतीही एन.ए. परवानगी किंवा रेखांकन मंजुरी नसताना, ग्रामपंचायतच्या नमुना नंबर ८-अ मध्ये मिळकत क्रमांक १२७९१ ते १२९४३ अशा नोंदी घेत या जमिनी गावठाणात असल्याचे दर्शविण्यात आले. त्यानंतर खोट्या गावठाण प्रमाणपत्रांवरून दुय्यम निबंधक कार्यालय, गंगापूर येथे मोठ्या प्रमाणावर खरेदीखत करण्यात आल्याचा आरोप निवेदनात करण्यात आला आहे. या प्रकरणात धनवई यांनी प्रत्येक मिळकतीसाठी लाखो रुपयांचे व्यवहार केल्याची चर्चा असून, यामुळे शासन, ग्रामपंचायत आणि महसूल विभागाची फसवणूक झाल्याचा आरोप मोरे यांनी केला आहे.