...तर शहराचे नाव बदलणारे सत्तेत येतील, आपल्यातील एक महापौर झाला तर तुम्हाला आनंद होणार नाही का? छत्रपती संभाजीनगरमध्ये एमआयएम नेते अकबरोद्दीन ओवैसी यांची जाहीर सभा (व्हिडीओसह)

By City News Desk

On 12 Jan 2026

...तर शहराचे नाव बदलणारे सत्तेत येतील, आपल्यातील एक महापौर झाला तर तुम्हाला आनंद होणार नाही का? छत्रपती संभाजीनगरमध्ये एमआयएम नेते अकबरोद्दीन ओवैसी यांची जाहीर सभा (व्हिडीओसह)

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : आपसातील मतभेद बाजूला ठेवा, तिकीट मिळाले नाही म्हणून रुसवेफुगवे सारून एकत्र या. आपल्यातील एकजण महापौर झाला तर तुम्हाला आनंद होणार नाही का?, असे भावनिक आवाहन एमआयएमचे नेते अकबरोद्दीन ओवैसी यांनी रविवारी (११ जानेवारी) केले. छत्रपती संभाजीनगरच्या आमखास मैदानावरील जाहीर सभेत ते बोलत होते. छत्रपती संभाजीनगरमध्ये इत्तेहादमुळे २०१४ नंतर मुस्लीम नेतृत्वाने जन्म घेतला. १० वर्षांतच या नेतृत्वाला संपविण्याचे काम आपल्यातील काही मंडळींनी केल्याची खंतही त्यांनी व्यक्त केली.

आपल्यातील मतभेदामुळे शहराचे नाव बदलणारे महापालिकेच्या सत्तेत येतील, असा इशारा देत अकबरोद्दीन ओवैसी म्हणाले, की अनेक क्षेत्रांत आजही मुस्लीम समाज मागेच आहे. २०१४ नंतर मुस्लिमांवर अन्याय, अत्याचार आणखी वाढत गेला. सत्तेवर येण्यापूर्वी १५ लाख रुपये प्रत्येक नागरिकाच्या खात्यात टाकण्याचे, डॉलरचे दर कमी करण्यासह अनके आश्वासने पंतप्रधान नरेंद्र मोदी यांनी दिली. आज डॉलर ९० रुपये २१ पैसे झाले तरी ते एक शब्दाने बोलत नाहीत, अशी टीका त्यांनी केली. तासभराच्या भाषणात ओवैसी यांनी विविध विषयांवर प्रभावीपणे भाष्य केले. कडाक्याच्या थंडीतही त्यांना ऐकण्यासाठी मोठी गर्दी उसळली होती. तत्पूर्वी एमआयएमचे प्रदेशाध्यक्ष इम्तियाज जलील यांचेही भाषण झाले. एमआयएमच्या उमेदवांराना बहुसंख्येने निवडून आणण्याचे आवाहन या वेळी ओवैसी यांनी केले. पहा भाषणाचा व्हिडीओ :