औरंगाबाद नाही, छत्रपती संभाजीनगर रेल्वेस्थानक म्हणा!

By City News Desk

On 18 Oct 2025

औरंगाबाद नाही, छत्रपती संभाजीनगर रेल्वेस्थानक म्हणा!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : सगळीकडे छत्रपती संभाजीनगर असा उल्लेख होत असला तरी, रेल्वेस्थानक मात्र औरंगाबाद म्हणूनच ओळखले जात होते. अखेर आता रेल्वेस्थानकाचेही नामांतर करण्यात आले आहे. त्यामुळे यापुढे छत्रपती संभाजीनगर रेल्वेस्थानक असा उल्लेख करावा लागला आहे. शासनाने तशी अधिसूचना काढली आहे.

खासदार डॉ. भागवत कराड यांनी रेल्वेमंत्री अश्विनी वैष्णव यांच्याकडे यासंदर्भात पत्रव्यवहार केला होता होता. उद्धव ठाकरे यांनी सत्तेवरून पायउतार होताना औरंगाबादचे नामांतर संभाजीनगर असे केले. त्यानंतर शिंदे- फडणवीस सरकारने छत्रपती संभाजीनगर असा नामविस्तार केला. त्याला केंद्र सरकारनेही मान्यता दिली. महसूल आणि वनविभागानेही प्रारूप अधिसूचना काढून छत्रपती संभाजीनगरवर शिक्कामोर्तब केले. काही महाभाग अद्यापही औरंगाबाद असा जाणूनबुजून उल्लेख करत असले तरी, आता छत्रपती संभाजीनगर हे सर्वांच्या तोंडवळणी पडले आहेत. मात्र अशात रेल्वेस्थानकाचे नाव मात्र औरंगाबादच होते. आता डॉ. कराड यांच्या प्रयत्‍नांनी रेल्वे विभागाने छत्रपती संभाजीनगर असे नामांतर केले आहे.