शिंदे गटाच्या नवनिर्वाचित नगसेवकांनी पराभूत भाजप उमेदवाराच्या घरासमोर नाचवली तलवार!, विजयी रॅलीदरम्यान प्रभाग १८ मधील धक्कादायक प्रकार

By City News Desk

On 18 Jan 2026

शिंदे गटाच्या नवनिर्वाचित नगसेवकांनी पराभूत भाजप उमेदवाराच्या घरासमोर नाचवली तलवार!, विजयी रॅलीदरम्यान प्रभाग १८ मधील धक्कादायक प्रकार

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : महापालिका निवडणुकीत प्रभाग १८ मधून विजयी झाल्यानंतर शिंदे गटाच्या ३ नवनिर्वाचित नगरसेवकांनी दहशत माजवल्याचा प्रकार समोर आला आहे. मंत्री संजय शिरसाट यांच्या कन्या हर्षदा शिरसाट, राजू राजपूत, अभिजीत जीवनवाल यांनी भररस्‍त्‍यात तलवारी नाचवल्या. भाजप उमेदवार संजय बारवाल यांच्या घरासमोर हा प्रकार घडला. अभिजीत जीवनवाल यांनी आमच्या घरासमोर दोन तास गोंधळ घालून तलवार नाचवली. आमच्या मुलाला मारहाण करण्याचा प्रयत्न केला, असा आरोप बारवाल यांच्या कुटुंबातील महिलांनी पत्रकारांशी बोलताना केला आहे.

या प्रकरणात शनिवारी (१७ जानेवारी) रात्री उशिरा अभिजित जीवनवाल यांच्याविरुद्ध वेदांतनगर पोलिसांनी गुन्हा दाखल केला आहे. हर्षदा शिरसाट, राजू राजपूत आणि अभिजित जीवनवाल यांनी विजयी मिरवणूक काढली. शेकडो समर्थकांचा सहभाग होता. याच प्रभागातून भाजपकडून संजय बारवाल यांनी निवडणूक लढवली. मात्र ते पराभूत झाले होते. विजयी रॅली त्यांच्या घरासमोरून जात असताना विजयी उमेदवारांनी म्यानामधून तलवारी काढून वाहनावर उभे राहून हवेत नाचवल्या. या प्रकरणात पोलिसांनीच शासनातर्फे फिर्यादी होऊन गुन्हा नोंदवला आहे, असे पोलीस निरीक्षक प्रवीणा यादव यांनी सांगितले. या प्रकारामुळे संजय बारवाल यांच्यासह त्यांचे कुटुंब दहशतीखाली आले.