छत्रपती संभाजीनगर मनपा निवडणुकीसाठी यावेळी वाढणार साडेतीनशे मतदान केंद्रे!

By City News Desk

On 23 Nov 2025

छत्रपती संभाजीनगर मनपा निवडणुकीसाठी यावेळी वाढणार साडेतीनशे मतदान केंद्रे!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : नगरपालिका निवडणुकीनंतर लगेचच जिल्हा परिषद-पंचायत समित्या आणि नंतर महापालिकेची निवडणूक होणार आहे. महापालिका निवडणुकीत या वेळी १४०८ मतदार केंद्रे असतील, अशी माहिती निवडणूक विभागाच्या सूत्रांनी दिली. गेल्या निवडणुकीत १,०५८ केंद्रं होती. मतदारांची संख्या वाढल्याने ३५० मतदान केंद्रे वाढली आहेत.

छत्रपती संभाजीनगर महापालिकेसाठी एकूण ११ लाख १८ हजार ११८ मतदान करतील. गेल्या निवडणुकीत १४०० मतदारांमागे एका केंद्र होते. यंदा ८०० ते ९०० मतदारांमागे एक केंद्र ठेवण्याचे आदेश आहेत. प्रभागनिहाय निवडणूक असल्याने प्रत्येक प्रभागासाठी वेगवेगळे बॅलेट मशीन असणार आहे. लोकसभा, विधानसभा निवडणुकीत वापरलेली मतदान केंद्रे महापालिका निवडणुकीसाठी वापरली जाण्याची शक्यता आहे. एका कुटुंबातील सर्व मतदारांचे नाव एकाच मतदान केंद्रावर येतील, अशी काळजी घेतली जात आहे. सर्व महापालिका शाळा, जिल्हा परिषद शाळा आणि मनपाच्या इमारती मतदान केंद्रांसाठी वापरल्या जातील. गरजेनुसार, खासगी संस्था आणि खासगी शाळांच्या इमारती वापरल्या जातील.