जलील यांचा या निवडणुकीत कार्यक्रम होणारच, पण ‘पाकिस्तान जिंदाबाद’ घोषणा देणाऱ्या रशीद मामूच्या ‘उबाठा’ला तुम्ही मत देणार?, उपमुख्यमंत्री एकनाथ शिंदे यांचा छत्रपती संभाजीनगरमध्ये जाहीर सभेत सवाल!

By City News Desk

On 11 Jan 2026

जलील यांचा या निवडणुकीत कार्यक्रम होणारच, पण ‘पाकिस्तान जिंदाबाद’ घोषणा देणाऱ्या रशीद मामूच्या ‘उबाठा’ला तुम्ही मत देणार?, उपमुख्यमंत्री एकनाथ शिंदे यांचा छत्रपती संभाजीनगरमध्ये जाहीर सभेत सवाल!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (दिव्या पुजारी : मेट्रोपोलिस पोस्ट वृत्तसेवा) : महापालिका निवडणुकीत जलील यांना जलील करायचं असून, या निवडणुकीत त्यांचा कार्यक्रम होणार आहे. पण पाकिस्तान जिंदाबादच्या घोषणा करणाऱ्या रशीद मामूच्या ‘उबाठा’ला तुम्ही मत देणार का?, असा सवाल करतानाच, विधानसभेत ज्या प्रमाणे त्यांना चारीमुंड्या चीत केलं, त्याचप्रमाणे या महापालिका निवडणुकीत त्यांची वळवळ कायमची बंद करायची आहे. छत्रपती संभाजीनगर नामांतर झाल्यानंतर होणाऱ्या या पहिल्या निवडणुकीत भगवा फडकवयाचा निर्धार करा, असे आवाहन शिवसेना शिंदे गटाचे नेते, उपमुख्यमंत्री एकनाथ शिंदे यांनी छत्रपती संभाजीनगरमध्ये आज, ११ जानेवारीला सायंकाळी झालेल्या जाहीर सभेत केले.

टीव्ही सेंटर मैदानावर ही सभा झाली. मंत्री संजय शिरसाट, खा. संदिपान भुमरे, आ. प्रदीप जैस्वाल, जिल्हाप्रमुख राजेंद्र जंजाळ यांच्यासह शिवसेनेचे सर्व उमेदवार प्रामुख्याने उपस्थित होते. विराट जनसमुदायासमोर बोलताना एकनाथ शिंदे यांनी शहराच्या पाणीप्रश्नावरही शब्द दिला. ते म्हणाले, की २ महिन्यांत पाणी योजनेचे पाणी शहराला मिळेल असा शब्द देतो. मी एकदा शब्द दिल्यानंतर तो पूर्ण करतोच, अशी ग्वाहीही त्यांनी दिली. मी विकासाचा अजेंडा घेऊन पुढे चालला आहे, असे सांगून सिडको फ्री होल्ड, गुंठेवारी पीआर कार्डचा विषयसुद्धा मार्गी लावण्याचा शब्द दिला. पहा पूर्ण भाषणाचा व्हिडीओ :