छत्रपती संभाजीनगर (सीएससीएन वृत्तसेवा) : बिडकीनचे सरपंच अशोक धर्मे आणि सदस्यांनी खासदार संदीपान भुमरे यांच्या नेतृत्त्वात रविवारी (३० जून) शिवसेनेत प्रवेश केला. यावेळी बोलताना भुमरे म्हणाले, की ठाकरे गटातून आणखी अनेक नेते शिवसेनेत येणार आहेत. विधानसभेआधी ठाकरे गटात कुणीही दिसणार नाही… छत्रपती संभाजीनगरात शिंदे गटाचाच पालकमंत्री राहणार आहे, असा दावाही भुमरे यांनी केला.
ग्रामपंचायत सदस्य किरण गुजर, सागर फलताळे, मोहन हिवाळे, ज्ञानेश्वर कांबळे, रमेश अण्णा शिंदे यांनी शिंदे गटात प्रवेश केला. खऱ्या अर्थाने पैठण तालुक्यात शिवसेना भक्कमपणे पुढे जात आहे. या वेळी युवा सेना जिल्हाप्रमुख काकासाहेब टेके, माजी उपसरपंच बबनराव ठाणगे, उपतालुका प्रमुख मधुकर सोकटकर, विभाग प्रमुख दिगंबर कोथंबिरे उपस्थित होते.
काय म्हणाले, भुमरे…
-संजय राऊत यांना आरोप करण्याशिवाय दुसरे कामच नाही. रोज सकाळी उठून शिव्या देतात.
-संजय राऊत यांनी एखादी निवडणूक लढवून दाखवावी. मागच्या दाराने तर कोणीही सभागृहात जातो. ते आमच्या जिवावर राज्यसभेत गेले.
-महायुती सरकारच्या अर्थसंकल्पात महिलांसाठी लाडकी बहीण योजनेसारखी योजना आणली. त्याचे जोरदार स्वागत महिलांकडून झाले आहे.
-शेतकरी, कामगार, कष्टकरी वर्गासाठी सरकारने ऐतिहासिक निर्णय घेतले आहेत.
-जिल्ह्यातील सगळ्याच्या सगळ्या जागा महायुतीच्या येणार आहेत.
-बरेचसे उद्योग छत्रपती संभाजीनगरात येणार आहेत. एकदा उद्योग आले तर हजारो तरुणांना रोजगार मिळणार आहे.
.jpg)
.jpeg)
