संशयास्पद वीज मीटर बदलणाऱ्या महावितरणच्या पथकावर हल्ला, पटेलनगरातील घटना

By City News Desk

On 22 Jan 2026

संशयास्पद वीज मीटर बदलणाऱ्या महावितरणच्या पथकावर हल्ला, पटेलनगरातील घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : पटेलनगरमध्ये महावितरणच्या पथकावर ५ ते ६ लोकांनी हल्ला करत त्यांच्याकडील वीज मीटर हिसकावून घेतल्याची घटना बुधवारी (२१ जानेवारी) सकाळी साडेअकराला घडली. सिडको एमआयडीसी पोलिसांनी पाच ते सहा अनोळखी लोकांविरुद्ध गुन्हा दाखल केला आहे.

महावितरणचे अतिरिक्त कार्यकारी अभियंता शेख अब्दुल्ला साजीद जिलानी (रा. नंदनवन कॉलनी, छावणी) यांनी या प्रकरणात तक्रार दिली आहे. शेख अब्दुल्ला आणि त्यांचे सहकारी अनिल शिवलिंग जंगम, सचिन रमेश जाधव, अक्षय दामोधर पवार, व्यंकटेश कैलास गवरकर, सुरेखा अनिकेत सुरासे, रंजीत कुमार दास हे पटेलनगर भागात राहत असलेल्या लोकांच्या घराचे वीज मीटर चेक करत होते. तेथील १८ घरांचे मीटर फॉल्टी व संशयास्पद आढळले. त्यामुळे महावितरणने ते मीटर बदलून नवीन मीटर बसवले. जुने मीटर ताब्यात घेतले. त्यामुळे संतापलेल्या पाच ते सहा लोकांनी गोंधळ घालून जुने मीटर हिसकावून घेतले. आता तुम्ही इकडे यायचे नाही, असे म्हणून ते मीटर घेऊन निघुन गेले. हे मीटर १२ हजार ६०० रुपयांचे होते. अधिक तपास सहायक पोलीस उपनिरीक्षक संजय साबळे करत आहेत.