Edu News : लाखो विद्यार्थ्यांसाठी आनंदाची बातमी!; IIT-JEE प्रमाणेच MHT-CET आता वर्षातून दोनदा घेतली जाणार

अभियांत्रिकी, वैद्यकीय, फार्मसी आणि व्यवस्थापन क्षेत्रात करिअर करू इच्छिणाऱ्या लाखो विद्यार्थ्यांसाठी आनंदाची बातमी आहे. महाराष्ट्र सरकार उच्च शिक्षण प्रणालीत बदल करण्याची योजना आखत आहे. आयआयटी-जेईई प्रमाणे, महाराष्ट्र कॉमन एन्ट्रन्स टेस्ट (एमएचटी-सीईटी) वर्षातून दोनदा घेतली जाऊ शकते. २०२६-२७ या शैक्षणिक वर्षात विद्यार्थ्यांना दोनदा MHT-CET परीक्षा देण्याची संधी मिळू शकते.

MHT-CET म्हणजे काय?
महाराष्ट्रातील विविध महाविद्यालयांमध्ये अभियांत्रिकी आणि फार्मसी ग्रॅज्युएशन प्रोग्राममध्ये ॲडमिशनकरिता महाराष्ट्र कॉमन एन्ट्रन्स टेस्ट (MHT-CET) घेतली जाते. PCM गट (B.Tech) आणि PCB गट (B.Pharma) साठी MHT-CET परीक्षा स्वतंत्रपणे घेतली जाते. अनेक महाविद्यालये वैद्यकीय आणि व्यवस्थापन पदवीपूर्व अभ्यासक्रमांच्या प्रवेशासाठी MHT-CET स्कोअर देखील विचारात घेतात.

MHT CET अभ्यासक्रम
B.Tech आणि B.Pharma अभ्यासक्रमांच्या प्रवेशासाठी महाराष्ट्र CET सेल MHT CET घेते. ही परीक्षा संगणक-आधारित चाचणी (CBT) आहे. B.Tech साठी ११ वी आणि १२ वीचे भौतिकशास्त्र, रसायनशास्त्र आणि गणित हे विषय समाविष्ट आहे, तर B.Pharma साठी ती भौतिकशास्त्र, रसायनशास्त्र आणि जीवशास्त्र यावर आधारित आहे.

MHT CET परीक्षा कधी घेतली जाते?
दरवर्षी ७,००,००० हून अधिक विद्यार्थी एमएचटी- सीईटी परीक्षेला बसतात. सध्या ही राज्यस्तरीय प्रवेश परीक्षा एप्रिलमध्ये फक्त एकदाच घेतली जाते. त्यामुळे विविध अभ्यासक्रम आणि महाविद्यालयांमध्ये प्रवेश मिळतो. ती JEE Mains सारखीच आहे, परंतु IIT JEE सारखीच ती वर्षातून दोनदा घेण्याची योजना आहे. अभियांत्रिकी अभ्यासक्रमांच्या प्रवेशासाठी संयुक्त प्रवेश परीक्षा (IIT-JEE) वर्षातून दोनदा घेतली जाते. पहिले सत्र जानेवारीमध्ये आणि दुसरे सत्र एप्रिलमध्ये आयोजित केले जाते. यामुळे विद्यार्थ्यांना त्यांचे रँकिंग सुधारण्यासाठी दोन संधी मिळतात, ज्यामुळे त्यांना त्यांच्या पसंतीच्या किंवा कमी शुल्कासह महाविद्यालयात प्रवेश मिळण्यास मदत होते.

MHT-CET परीक्षा आता कधी होणार?
२०२६ पासून, महाराष्ट्र CET परीक्षा दोन सत्रांमध्ये घेतली जाईल. विद्यार्थ्यांना एक किंवा दोन्ही परीक्षा देण्याचा पर्याय असेल. जर उमेदवार दोन्ही परीक्षा देत असेल तर जेईई मुख्य परीक्षेप्रमाणेच सर्वोत्तम गुणांचा प्रवेशासाठी विचार केला जाईल. अहवालांनुसार, MHT-CET परीक्षा मार्च आणि मेमध्ये घेतल्या जातील. तथापि, दोन्ही परीक्षांमध्ये जास्त अंतर अपेक्षित आहे. नवीनतम माहितीसाठी विद्यार्थ्यांना अधिकृत वेबसाइटवर लक्ष ठेवण्याचा सल्ला देण्यात येत आहे.