Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
वैजापूर (मेट्रोपोलिस पोस्ट वृत्तपत्राच्या सौजन्याने) : दुचाकीस्वार दाम्पत्याला उडवून सुसाट वाहन पसार झाले. यात पती-पत्नीचा जागीच मृत्यू झाला. हा दुर्घटना वैजापूर- गंगापूर रस्त्यावरील चोरवाघलगाव (ता. वैजापूर) शिवारात रविवारी (२ नोव्हेंबर) सकाळी ९ च्या सुमारास घडली. अलीमोद्दीन करीमोद्दीन सय्यद (वय ५३) आणि अमिना अलीमोद्दीन सय्यद (वय ४६, रा. भेंडाळा मार्ग, गंगापूर) अशी मृत्यू झालेल्यांची नावे आहेत.
अलीमोद्दीन हे पत्नी अमिना यांच्यासह दुचाकीने नातेवाइकाच्या अंत्यसंस्कारासाठी म्हस्की (ता. वैजापूर) येथे जात होते. चोरवाघलगाव शिवारात अज्ञात सुसाट वाहनाने त्यांना जोरात धडक दिली आणि लगेचच हे वाहन पसार झाले. दाम्पत्याचा गंभीर जखमी होऊन जागीच मृत्यू झाला. त्यांना नगारिकांनी वैजापूर येथील उपजिल्हा रुग्णालयात आणले. मात्र दोघांचाही मृत्यू झाल्याचे डॉक्टरांनी सांगितले. वीरगाव पोलीस ठाण्यात अपघाताची नोंद करण्यात आली आहे. या दाम्पत्याला एक मुलगा, दोन विवाहित मुली आहेत.
.jpg)
.jpeg)
