Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
फुलंब्री (मेट्रोपोलिस पोस्ट वृत्तसेवा) : गोरक्षकांनी फुलंब्री पोलिसांवर गंभीर आरोप केले आहेत. पोलीस अधीक्षक डॉ. विनयकुमार राठोड यांना त्यांनी यासंदर्भात निवेदन दिले असून, त्यात गोवंशांची हत्या करणाऱ्यांना फुलंब्री पोलिसांचे पाठबळ मिळत असल्याचे म्हटले आहे.
एकीकडे सरकारने राज्यमाता-गोमाता, असे घोषित केले असले तरी, याच गायींची सर्रास कत्तल होत असताना पोलिसांनी कारवाईकडे दुर्लक्ष केल्याचे गोरक्षकांनी दिलेल्या व्हिडीओद्वारे समोर येत आहे. कत्तल होण्याआधी पोलिसांना माहिती देऊनही त्यांनी दुर्लक्ष केले. उलट गोरक्षकांना दमदाटी केली. पोलिसांच्या दुर्लक्षामुळे देशी गायींची कत्तल झाली, असे गोरक्षकांनी म्हटले आहे. गोरक्षकांना मारहाण करण्याचे षड्यंत्रही कत्तल करणाऱ्यांनी श्यामवाडी या ठिकाणी रचले होते. गोरक्षकांनी पोलिसांना मदत मागितली तरी मिळाली नाही. त्यामुळे जबाबदार पोलिसांवर कारवाई करावी, अशी मागणी गोरक्षकांनी केली आहे.
.jpg)
.jpg)
