ना ट्रॉलीला रिफ्‍लेक्टर, ना लाइट चालू, अंधारात उभ्या उसाच्या ट्रॅक्टरला धडकली दुचाकी, जागीच युवकाचा मृत्यू, खुलताबाद तालुक्यातील दुर्घटना

By City News Desk

On 17 Nov 2025

ना ट्रॉलीला रिफ्‍लेक्टर, ना लाइट चालू, अंधारात उभ्या उसाच्या ट्रॅक्टरला धडकली दुचाकी, जागीच युवकाचा मृत्यू, खुलताबाद तालुक्यातील दुर्घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

खुलताबाद (मेट्रोपोलिस पोस्ट वृत्तपत्राच्या सौजन्याने) : उभ्या ट्रॅक्टर ट्रॉलीला मागून दुचाकी धडकली. यात दुचाकीस्वार तरुणाचा जागीच मृत्यू झाला. ही घटना शनिवारी (१५ नोव्‍हेंबर) रात्री १० ला सोलापूर-धुळे महामार्गावरील गल्लेबोरगावजवळ (ता. खुलताबाद) घडली.

ज्ञानेश्वर साईनाथ ठेंगडे (वय ३७, रा. पळसवाडी, ता. खुलताबाद) असे मृत्यू झालेल्याचे नाव आहे. ज्ञानेश्वर दुचाकीने (क्र. एमएच २० एफआर ९४८३) गल्लेबोरगाव येथून गावाकडे रात्री निघाले होते. गल्लेबोरगावजवळ उसाने भरलेली ट्रॅक्टर ट्रॉली (क्र. एमएच २० एचबी ०७२४) रस्त्यावरच उभी होती. त्याला रिफ्लेक्टरही लावलेला नव्हता. ज्ञानेश्वर थेट ट्रॅक्टर ट्रॉलीला धडकले. यात दुचाकी चक्काचूर होऊन ज्ञानेश्वर यांच्या डोक्याला गंभीर मार लागून जागीच मृत्यू झाला.

ग्रामस्थ व खुलताबाद पोलिसांनी घटनास्थळी धाव घेऊन ज्ञानेश्वर यांचा मृतदेह वेरूळ येथील प्राथमिक आरोग्य केंद्रात आणला. उत्तरीय तपासणीनंतर रविवारी (१६ नोव्‍हेंबर) सकाळी ११ वाजता पळसवाडी येथील स्मशानभूमीत त्यांच्यावर अंत्यसंस्कार करण्यात आले. त्यांच्या पश्चात पत्नी, आई, दोन मुली, एक मुलगा असा परिवार आहे. अपघात होताच ट्रॅक्टरचालक ट्रॅक्टर घेऊन पसार झाल होता. मात्र तरुणांनी दुचाकीवरून त्याचा पाठलाग करून वेरूळ घाटात पकडले. ट्रॅक्टरसह त्याला पोलिसांच्या ताब्यात दिले.