Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
वैजापूर (मेट्रोपोलिस पोस्ट वृत्तसेवा) : जिल्हा परिषद, पंचायत समिती निवडणुकीसाठी सध्या उमेदवारी अर्ज स्वीकारणे सुरू आहे. पंचायत समितीच्या सभागृहात अर्ज स्वीकारत असताना एकाने येऊन गोंधळ घालत निवडणूक निर्णय अधिकाऱ्यांच्या अंगावर धावून गेला. सोमवारी (१९ जानेवारी) दुपारी ३ ला घडलेल्या या घटनेप्रकरणी वैजापूर पोलिसांनी बाळासाहेब बनसोडे (रा. जामगाव, ता. गंगापूर) याच्याविरुद्ध गुन्हा दाखल केला आहे.
निवडणूक निर्णय अधिकारी तथा उपविभागीय अधिकारी डॉ. अरुण जऱ्हाड हे कामकाज करत असताना बाळासाहेब तिथे आला. ‘तुम्ही येथे काहीच व्यवस्था केली नाही,' असे म्हणून धिंगाणा घालायला सुरुवात केली. तो डॉ. जऱ्हाड यांच्या अंगावर धावून गेला. त्यांच्या हातातील नामनिर्देशनपत्रे हिसकावून घेऊन चुरगाळली. धक्काबुक्की करत ‘तुला पाहून घेतो,' अशी धमकीही दिली. बाळासाहेबने रविवारीही तहसीलदार सुनील सावंत यांच्याशी वाद घातला होता, असे समोर येत आहे. अधिक तपास पोलीस निरीक्षक सत्यजित ताईतवाले यांच्या मार्गदर्शनाखाली सहायक पोलीस निरीक्षक विजय देशमुख करत आहेत.
.jpg)
