Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
पैठण (मेट्रोपोलिस पोस्ट वृत्तसेवा) : ट्रॅक्टर ट्रॉलीला मागून ॲपेरिक्षा धडकून झालेल्या अपघातात ॲपेरिक्षातील महिला मजुराचा जागीच मृत्यू झाला, तर ८ जण गंभीर जखमी झाले आहे. हा भीषण अपघात पैठण-छत्रपती संभाजीनगर मार्गावरील इसारवाडी शिवारात मंगळवारी (२ डिसेंबर) सकाळी ९ च्या सुमारास घडला. मेहमुदा लाला शेख (वय ६६, रा. पिंपळवाडी पिराची, ता. पैठण) असे मृत्यू झालेल्या महिलेचे नाव आहे.
पिंपळवाडी पिराची येथून मंगळवारी सकाळी धनगावकडे एका ॲपेरिक्षाने महिला मजूर कामाला जात होत्या. इसारवाडी शिवारात दुभाजकामधून रस्ता ओलांडणाऱ्या ट्रॅक्टर ट्रॉलीला मागून ॲपेरिक्षा जोरात धडकली. ॲपेरिक्षामधील चालक शाहरुख शेख (वय २२), मेहमुदा लाला शेख, नजमा कादर शेख (वय ४०), दीक्षा कमलेश जगताप (वय २०), बानू रियाज शेख (वय २०), शाबिया अब्दुला शेख (वय ३०), शबाना मोहम्मद शेख (वय ५०), फरजाना शेख (वय ३०), सरताज शेख (वय ३०) गंभीर जखमी झाले. ग्रामस्थांनी जखमींना दोन रुग्णवाहिकांतून पैठण येथील शासकीय रुग्णालयात दाखल केले. तिथून गंभीर जखमींना छत्रपती संभाजीनगर येथील घाटी रुग्णालयात हलविण्यात आले. उपचारादरम्यान मेहमुदा शेख यांचा मृत्यू झाला. अपघात इतका भीषण होता, की अॅपेरिक्षाच्या समोरील भागाचा पूर्णपणे चुराडा झाला होता.
.jpg)
.jpg)
