पैसे घेऊन तिकीट वाटप केल्याचा आरोप करत खा. कल्याण काळेंच्या जनसंपर्क कार्यालयात राडा, फुलंब्रीतील घटनेने जिल्ह्यात खळबळ, नक्की काय घडलं...

By City News Desk

On 21 Jan 2026

पैसे घेऊन तिकीट वाटप केल्याचा आरोप करत खा. कल्याण काळेंच्या जनसंपर्क कार्यालयात राडा, फुलंब्रीतील घटनेने जिल्ह्यात खळबळ, नक्की काय घडलं...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

फुलंब्री (मेट्रोपोलिस पोस्ट वृत्तसेवा) : पैसे घेऊन तिकीटे वाटल्याचा आरोप करत निष्ठावंत कार्यकर्त्यांनी खा. कल्याण काळे यांच्या फुलंब्रीच्या जनसंपर्क कार्यालयात आज, २१ जानेवारीला दुपारी साडेतीनच्या सुमारास मोठा राडा केला. जोरदार घोषणाबाजी करून परिसर दणाणून सोडला. पक्षातील अंतर्गत गटबाजी अशी चव्हाट्यावर आली आल्याने राजकीय वर्तुळात खळबळ उडाली आहे.

पाल जिल्हा परिषद गटासाठी युवक काँग्रेसचे माजी अध्यक्ष वरुण पाथ्रीकर आग्रही होते. त्यांना डावलण्यात आल्यानंतर त्यांनी त्याच्या पत्‍नीची उमेदवारी शरद पवार गटाकडून दाखल केली. काही प्रत्‍यक्षदर्शींच्या मते, कार्यकर्त्यांनी केवळ घोषणाबाजीच नाही तर कार्यालयातील फर्निचर, खुर्च्या आणि टेबलांचीही तोडफोड केली. मात्र पक्षाच्या सूत्रांनी सांगितले, की केवळ घोषणाबाजी केली आणि वरुण पाथ्रीकर यांनी स्वतःच खासदारांचे बंधू जगन्नाथ काळे आणि तालुका काँग्रेस अध्यक्ष संतोष मेटे यांना आपल्या वाहनातून तिथून नेले. मात्र नेत असतानाही कार्यकर्त्यांनी गाडीला घेराव घालून घोषणाबाजी केली. यावेळी प्रचंड लोटालाटही करण्यात आली. काँग्रेस संपवण्याचं काम सुरू असल्याचा संताप कार्यकर्त्यांनी व्यक्त केला.