विहिरीत पडून शेतकऱ्याचा मृत्‍यू, वैजापूर तालुक्‍यातील घटना, छत्रपती संभाजीनगरच्या गांधेलीत डबक्‍यात आढळला अनोळखी मृतदेह

By City News Desk

On 21 Aug 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

वैजापूर (सीएससीएन वृत्तसेवा) : वैजापूर तालुक्यातील चोरवाघलगाव येथे विहिरीत पडून दीपक चांगदेव घुले (वय ३० वर्षे) या शेतकऱ्याचा मृत्‍यू झाला. ही घटना सोमवारी (१९ ऑगस्ट) सायंकाळी सातला घडली. दीपक यांची चोरवाघलगाव शिवारात शेती आहे. ते शेतातील विहिरीत डोकावून पाहत असताना अचानक पाय घसरून पडले. बुडून त्यांचा मृत्यू झाला. ही बाब लक्षात येताच कुटुंबीयांनी त्‍यांना वैजापूर […]

वैजापूर (सीएससीएन वृत्तसेवा) : वैजापूर तालुक्यातील चोरवाघलगाव येथे विहिरीत पडून दीपक चांगदेव घुले (वय ३० वर्षे) या शेतकऱ्याचा मृत्‍यू झाला. ही घटना सोमवारी (१९ ऑगस्ट) सायंकाळी सातला घडली.

दीपक यांची चोरवाघलगाव शिवारात शेती आहे. ते शेतातील विहिरीत डोकावून पाहत असताना अचानक पाय घसरून पडले. बुडून त्यांचा मृत्यू झाला. ही बाब लक्षात येताच कुटुंबीयांनी त्‍यांना वैजापूर येथील उपजिल्हा रुग्णालयात आणले. मात्र डॉक्‍टरांनी तपासून मृत घोषित केले. वीरगाव पोलिसांनी घटनेची नोंद घेतली आहे. दीपक यांच्या पश्चात पत्नी, आई, मुलगा, मुलगी असा परिवार आहे.

गांधेलीत अनोळखी व्यक्‍तीचा मृतदेह
छत्रपती संभाजीनगर शहराजवळील गांधेली येथे डबक्यात अनोळखी पुरुषाचा मृतदेह आढळल्याने खळबळ उडाली. सोमवारी (१९ ऑगस्ट) सायंकाळी मृतदेह आढळल्यानंतर नागरिकांनी पोलिसांना कळवले. खाकी शर्ट, निळसर पँट घातलेल्या मृतकाच्या संपूर्ण अंगावर कोड फुटलेले आहेत. त्याची ओळख पटविण्यासाठी प्रयत्न सुरू असल्याचे चिकलठाणा पोलिस ठाण्याचे पोलीस उपनिरीक्षक योगेश खटाणे यांनी पत्रकारांना सांगितले.