Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : विजेच्या धक्क्याने दोन तरुणांचा मृत्यू झाल्याची घटना छत्रपती संभाजीनगर जिल्ह्यात समोर आली अाहे. यातील एक जण कूक असून, दुसरा कंपनी कामगार आहे. या घटना पैठण तालुक्यातील हिरडपुरी आणि वाळूज एमआयडीसीतील घाणेगाव शिवारात घडल्या. पारस गोवर्धन विश्वकर्मा (वय ३६, रा. कृष्णानगर, रांजणगाव शेणपुंजी) हा घाणेगावच्या श्रीराम इंडस्ट्रीजमध्ये कामाला होता. गुरुवारी (१९ […]
छत्रपती संभाजीनगर (सीएससीएन वृत्तसेवा) : विजेच्या धक्क्याने दोन तरुणांचा मृत्यू झाल्याची घटना छत्रपती संभाजीनगर जिल्ह्यात समोर आली अाहे. यातील एक जण कूक असून, दुसरा कंपनी कामगार आहे. या घटना पैठण तालुक्यातील हिरडपुरी आणि वाळूज एमआयडीसीतील घाणेगाव शिवारात घडल्या.
पारस गोवर्धन विश्वकर्मा (वय ३६, रा. कृष्णानगर, रांजणगाव शेणपुंजी) हा घाणेगावच्या श्रीराम इंडस्ट्रीजमध्ये कामाला होता. गुरुवारी (१९ सप्टेंबर) कंपनीत ॲल्युमिनियम प्लेटच्या मशीनची साफसफाई करत असताना दुपारी दीडला त्याला विजेचा शॉक लागला. तो बेशुद्ध पडला. हा प्रकार लक्षात आल्यानंतर राजू जाधव व केशवलाल गुजर यांनी त्याला उपचारासाठी घाटी रुग्णालयात आणले. डॉक्टरांनी तपासून मृत घोषित केले. याप्रकरणी वाळूज एमआयडीसी पोलिसांनी आकस्मिक मृत्यूची नोंद केली आहे.
ज्ञानक्रिष्णा टमता (वय २२, रा. नेपाळ) हा पैठण तालुक्यातील हिरडपुरी येथे आदित्य हॉटेलमध्ये कुक होता. शुक्रवारी (२० सप्टेंबर) दुपारी चारच्या सुमारास तो ग्राईंडरवर मसाला तयार करताना विजेचा धक्का लागला. तो जमिनीवर कोसळला. त्याला बेशुद्धावस्थेत हॉटेल मालकाने पैठण येथील शासकीय रुग्णालयात दाखल केले. उपचारादरम्यान सायंकाळी पाचच्या सुमारास त्याचा मृत्यू झाला.
.jpg)
