झाडाला गळफास घेतलेला तरुणाचा सापळा आढळल्याने खळबळ; कन्‍नड तालुक्‍यातील घटना

By City News Desk

On 19 Aug 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

कन्‍नड (सीएससीएन वृत्तसेवा) : उंबरखेड (ता. कन्‍नड) शिवारात गौताळा अभयारण्यात झाडाला गळफास घेतलेल्या व कुजलेल्या अवस्थेत युवकाचा मृतदेह रविवारी (१८ ऑगस्ट) सकाळी अकराला आढळल्यानंतर एकच खळबळ उडाली. उघडकीस आली. त्‍याची ओळख पटविण्याचे काम सुरू आहे. जंगलात जनावरे चारण्यासाठी गेलेल्या विजय पंडित पवार यांनी मृतदेह पाहिल्यानंतर पिशोर पोलिसांना कळवले. सहायक पोलीस निरीक्षक शिवाजी नागवे, पोलीस उपनिरीक्षक […]

कन्‍नड (सीएससीएन वृत्तसेवा) : उंबरखेड (ता. कन्‍नड) शिवारात गौताळा अभयारण्यात झाडाला गळफास घेतलेल्या व कुजलेल्या अवस्थेत युवकाचा मृतदेह रविवारी (१८ ऑगस्ट) सकाळी अकराला आढळल्यानंतर एकच खळबळ उडाली. उघडकीस आली. त्‍याची ओळख पटविण्याचे काम सुरू आहे.

जंगलात जनावरे चारण्यासाठी गेलेल्या विजय पंडित पवार यांनी मृतदेह पाहिल्यानंतर पिशोर पोलिसांना कळवले. सहायक पोलीस निरीक्षक शिवाजी नागवे, पोलीस उपनिरीक्षक विश्वनाथ फताळे, अंमलदार लालचंद नागलोद, करण मस्के, साईनाथ घुगे व वनरक्षक एच. के. वाघ यांनी घटनास्‍थळी धाव घेऊन पंचनामा केला. कुजलेल्या अवस्थेत मृतदेह असल्याने केवळ सापळाच दिसत होता.

करंजखेड प्राथमिक आरोग्य केंद्राच्या वैद्यकीय अधिकारी डॉ. मेघा शेवगण व डॉ. नितीन ढोणे यांनी जागेवरच मृतदेहाची उत्तरीय तपासणी केली. युवकाचे वय २५ ते ३५ वर्षांच्या दरम्यान आहे. अंगात काळा टी शर्ट व काळी पँट होती. पिशोर पोलीस मृतदेहाची ओळख पटवत आहे. याबाबत कुणाला काही माहिती असल्यास पिशोर पोलिसांशी संपर्क करावा, असे आवाहन करण्यात आले आहे. तपास पोलीस अंमलदार लालचंद नागलोद करत आहेत.