.jpg)
छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : संपूर्ण कर्जमाफीसह ओल्या दुष्काळ जाहीर करण्याच्या मागणीसाठी शेतकरी मंगळवारी (३० ऑगस्ट) दुपारी पोलीस बंदोबस्ताचे बॅरिकेड्स तोडून थेट विभागीय आयुक्तालयात शिरले. त्यामुळे आंदोलक शेतकरी आणि पोलिसांमध्ये झटापट झाली. या वेळी मोठा गोंधळ उडाला होता.
.jpg)
अखिल भारतीय किसान सभा, अखिल भारतीय शेतमजूर युनियन व सीटू कामगार संघटनेच्या नेतृत्वात शेतकरी एकवटले होते. शेतकऱ्यांच्या रौद्रावतारामुळे तणाव निर्माण होऊन अखेर पोलिसांनीच शेतकऱ्यांची चर्चा विभागीय आयुक्तांबरोबर घडवून आणण्यासाठी पुढाकार घेतला. प्रतिएकर ५० हजार रुपये पीक नुकसानभरपाई द्यावी, रोजगार बुडालेल्या शेतमजुरांना, ग्रामीण व शहरी कामगारांना श्रमनुकसान भरपाई म्हणून प्रतिकुटुंब ३० हजार रुपये महिना मदत द्यावी, विद्यार्थ्यांची सर्व फी माफ करावी यासह अन्य मागण्यांचे निवेदन शेतकऱ्यांनी विभागीय आयुक्त जितेंद्र पापळकर यांच्याकडे दिले. एसएफआय, डीवायएफआय, जनवादी महिला संघटना या संघटनांनीही आंदोलनात भाग घेतला.आणखी महत्त्वाच्या बातम्या
Latest News
17 Feb 2026 13:14:02
छत्रपती संभाजीनगर (मेट्रोपोलिस पोस्ट वृत्तसेवा) : शहर व जिल्ह्यात मुस्लिम बांधवांची संख्या मोठी आहे. मुस्लिम बांधवांसाठी पवित्र मास म्हणून ओळखल्या...
