७० % छत्रपती संभाजीनगर शहराचा पाणीपुरवठा बंद, जलवाहिनी फुटल्याने निर्जळी, काम पूर्ण कधी होणार, अधिकारी निरुत्तर…

By City News Desk

On 08 Aug 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : शहराला पाणीपुरवठा करणारी १२०० मि. मी. व्यासाची जलवाहिनी फुटल्याने शहरात येणारे पाणी बंद करावे लागले. परिणामी आज, ८ ऑगस्टपासून अनिश्चित काळापर्यंत शहरातील ७० टक्‍के भागाचा पाणीपुरवठा ठप्प होऊन निर्जळी निर्माण आहे. या जलवाहिनीतून शहराच्या ७० टक्‍केभागाला पाणीपुरवठा केला जातो, असे महापालिकेचे पाणी पुरवठा विभागाचे कार्यकारी अभियंता काशीनाथ फालक यांनी छत्रपती […]

छत्रपती संभाजीनगर (सीएससीएन वृत्तसेवा) : शहराला पाणीपुरवठा करणारी १२०० मि. मी. व्यासाची जलवाहिनी फुटल्याने शहरात येणारे पाणी बंद करावे लागले. परिणामी आज, ८ ऑगस्टपासून अनिश्चित काळापर्यंत शहरातील ७० टक्‍के भागाचा पाणीपुरवठा ठप्प होऊन निर्जळी निर्माण आहे. या जलवाहिनीतून शहराच्या ७० टक्‍केभागाला पाणीपुरवठा केला जातो, असे महापालिकेचे पाणी पुरवठा विभागाचे कार्यकारी अभियंता काशीनाथ फालक यांनी छत्रपती संभाजीनगर सिटी न्‍यूजला सांगितले.

जायकवाडी धरणातून शहराला १२००, ७०० आणि नव्या ९०० मि. मी. व्यासाच्या तीन जलवाहिन्यांतून पाणीपुरवठा केला जातो. त्‍यातील १२०० मि. मी. व्यासाची जलवाहिनी ढोरकीनजवळ गुरुवारी दुपारी दुपारी चारच्या सुमारास फुटली. त्‍यामुळे लाखो लिटर पाणी वाया गेले. तातडीने पाणी बंद करावे लागले. दुरुस्तीसाठी जलवाहिनी रिकामी करण्यात आली. आता खोदकाम करून जलवाहिनीची दुरुस्ती होईल. हे काम कधी संपेल, याबद्दल ठोस सांगण्यास अधिकाऱ्यांनी नकार दिला.