सोनेरी महाल पर्यटकांसाठी पुढील सहा महिने बंद राहणार

By City News Desk

On 22 Sep 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : सोनेरी महाल पर्यटकांसाठी पुढील सहा महिने बंद ठेवण्यात येणार असून, जतन-संवर्धनाचे काम पूर्ण होताच पर्यटकांसाठी महाल सुरू केला जाईल, अशी माहिती सहायक अभिरक्षक अमृत पाटील यांनी दिली आहे. यामुळे पर्यटकांचा हिरमोड होणार आहे. विद्यापीठ परिसरातील सोनेरी महालात १९८५ ला वस्तुसंग्रहालय सुरू केले होते. या वस्तुसंग्रहालयात सातवाहन काळ ते १२ व्या […]

छत्रपती संभाजीनगर (सीएससीएन वृत्तसेवा) : सोनेरी महाल पर्यटकांसाठी पुढील सहा महिने बंद ठेवण्यात येणार असून, जतन-संवर्धनाचे काम पूर्ण होताच पर्यटकांसाठी महाल सुरू केला जाईल, अशी माहिती सहायक अभिरक्षक अमृत पाटील यांनी दिली आहे. यामुळे पर्यटकांचा हिरमोड होणार आहे.

विद्यापीठ परिसरातील सोनेरी महालात १९८५ ला वस्तुसंग्रहालय सुरू केले होते. या वस्तुसंग्रहालयात सातवाहन काळ ते १२ व्या शतकापर्यंतच्या ११०० शिल्प, मूर्ती, वस्तू ठेवलेल्या आहेत. त्या पाहण्यासाठी पर्यटक मोठ्या संख्येने सोनेरी महालला भेट देतात. मात्र सोनेरी महालाला तडे गेले असल्याने पावसाळ्यात गळती होत होती. परिणामी ऐतिहासिक वस्तूही खराब होत चालल्या होत्या. काही वस्तूंना गंज चढत होता. त्यामुळे राज्य पुरातत्त्व व वस्तुसंग्रहालयाने महालाच्या जतन, दुरुस्तीचे काम हाती घेतले आहे. यासाठी ४ कोटी ५ लाख ५१ हजार रुपये खर्च केले जाणार आहेत. जतन, संवर्धन करताना वस्तू, मूर्ती, शिल्प एकत्रित बाजूला ठेवल्या जाणार असल्याचे अमृत पाटील यांनी सांगितले.