Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : दुचाकीला जोरात धडक देऊन वाहन पसार झाले. यात दुचाकीवरील दोघांचा जागीच मृत्यू झाला तर तिसरा गंभीर जखमी झाला आहे. त्याचीही प्रकृती चिंताजनक आहे. ही भीषण दुर्घटना वाळूज एमआयडीसीतील गुड इयर कंपनीसमोर आज, २२ ऑक्टोबरला सायंकाळी सव्वासातच्या सुमारास घडली.
पोलिसांकडून मिळालेल्या माहितीनुसार, सिद्धार्थ वसंतराव खरात व नितीन भाऊसाहेब खरात (दोघे रा. भोकरदन, ह. मु. वडगाव कोल्हाटी, बजाजनगर) व अन्य एक जण असे तिघे दुचाकीवरून (एमएच १४ यू ३७५९) वाळूज एमआयडीसीतून घाणेगावला जात होते. त्यांच्या दुचाकीला अज्ञात वाहनाने उडवले. त्यानंतर हे वाहन पसार झाले. सिद्धार्थ व नितीनचा जागीच मृत्यू झाला. तिसरा युवक गंभीर जखमी आहे.
त्याच्यावर घाटी रुग्णालयात उपचार सुरू आहेत. त्याची प्रकृती चिंताजनक आहे. त्याची ओळख अद्याप पटलेली नाही. अपघाताची माहिती मिळताच समाजसेवक मनोज जैन, वाळूज एमआयडीसी पोलीस ठाण्याचे पोलीस निरीक्षक रामेश्वर गाडे, सहायक पोलीस निरीक्षक संजय गीते यांनी सहकाऱ्यांसह घटनास्थळी धाव घेतली. एका खासगी वाहनाच्या मदतीने जखमीला घाटीत दाखल केले. अपघाताची भीषणता पाहता ट्रकसारख्या वाहनाने त्यांना चिरडल्याची शक्यता आहे.
.jpg)
.jpg)
