Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : पुंडलिकनगर परिसरातील हनुमाननगरात चोरट्याने २ घरे फोडून एका घरातील दागिने व रोकड लंपास केली. दुसऱ्या घरात चोरीचा प्रयत्न केला. ही घटना शनिवारी (३ जानेवारी) पहाटे समोर आली.
पुंडलिक सूर्यभान ढवळे (रा. हनुमाननगर गल्ली नंबर एक छत्रपती संभाजीनगर) यांनी या प्रकरणात तक्रार दिली आहे. ते लोकमतला मशीन ऑपरेटर म्हणून काम करतात. शुक्रवारी (२ जानेवारी) रात्री आठला ते नोकरीला गेले. शनिवारी (३ जानेवारी) पहाटे पाचला परतले. तेव्हा खालच्या रूमचे लॉक तुटलेले दिसले. कपाटातील सामान अस्ताव्यस्त दिसल्याने त्यांनी पत्नी व मुलाला आवाज दिला असता त्यांच्या खोलीची कडी बाहेरून लावलेली होती. ढवळे यांनी वरच्या मजल्यावर जाऊन त्यांच्या खोलीची कडी उघडली. कोणीतरी चोरट्याने लॉक तोडून घरात घुसत पाच ग्रॅम सोन्याचे मनी मंगळसूत्र, डोरले व रोख नक्कम आठ हजार रुपये असा एकूण ३३ हजार रुपयांचा ऐवज चोरून नेला. त्यांचे शेजारी उद्धव निवृत्ती लिखे यांच्याकडेही चोराने चोरीचा प्रयत्न केला. पुंडलिकनगर पोलिसांनी चोरट्याविरुद्ध गुन्हा दाखल केला आहे. अधिक तपास पोलीस उपनिरीक्षक शिवप्रसाद कऱ्हाळे करत आहेत.
.jpg)
.jpg)
.jpg)
