पोलीस निरीक्षकांच्या शेताचा रस्ता बंद केला, सातारा पोलिसांनी केला ८० वर्षीय वृद्धाविरुद्ध गुन्हा दाखल

By City News Desk

On 05 Nov 2025

पोलीस निरीक्षकांच्या शेताचा रस्ता बंद केला, सातारा पोलिसांनी केला ८० वर्षीय वृद्धाविरुद्ध गुन्हा दाखल

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : ८० वर्षांच्या वृद्धाने शेतात जाणारा रस्ता बंद केल्याने पोलीस निरीक्षकांना शेतात जाणे अवघड झाले. पिकांची देखभाल करण्यासही जाता येत नसल्याने त्यांनी अखेर त्यांनी वृद्धाविरुद्ध सातारा पोलीस ठाण्यात तक्रार दिली. त्यावरून पोलिसांनी गुन्हा दाखल केला आहे.

रघुवीरसिंग मेहेर (वय ८०, रा. वळदगाव) असे गुन्हा दाखल झालेल्याचे नाव आहे. पोलीस निरीक्षक तेजश्री पाचपुते (वय ३८ रा. ग्रीन हाईट्‌स, बीड बायपास) यांनी या प्रकरणात तक्रार दिली आहे. त्या शहर पोलीस दलात कार्यरत आहेत. त्यांची वळदगाव परिसरात वडिलोपार्जित शेती असून, मेहेरचीही त्यांच्या शेतीजवळच शेती आहे. रविवारी दुपारी अडीचला मेहेर याने पाचपुते यांच्या शेताच्या दक्षिणेकडील एकमेव रस्ता काटेरी झाडाच्या फांद्या टाकून बंद केला. शेताची राखण करणाऱ्या कर्मचाऱ्याला रस्ता खुला करू देणार नाही, असे धमकावले. तेजश्री पाचपुते यांनी शेताकडे येऊन मेहेरला समजावले, की अंजिराची बाग असून त्यास वेळेवर पाणी न दिल्यास पिकाचे नुकसान होण्याची शक्यता आहे. तरीही त्याने रस्ता खुला केला नाही. अखेर पाचपुते यांनी मेहेरविरुद्ध तक्रार दिली. त्यावरून पोलिसांनी गुन्हा दाखल केला आहे. अधिक तपास पोलीस उपनिरीक्षक गोविंद एकीलवाले करत आहेत.