Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने ) : सध्या नवरात्री सुरू आहे आणि सगळीकडे स्त्री शक्तीचा जागर सुरू आहे. दुसरीकडे याच काळात एक गंभी बाब समोर आली आहे. वाळूज एमआयडीसीतील जोगेश्वरी येथील जिल्हा परिषद शाळेच्या विद्यार्थिनींना गेल्या काही दिवसांपासून टवाळखोरांनी भयग्रस्त सोडले असून, अनेक जणी त्यांच्या त्रासाला कंटाळून शाळेत येणेच टाळत आहेत. स्वतः मुख्याध्यापकांनी ही समस्या गांभीर्याने मांडल्यानंतर ही धक्कादायक समोर आली. दामिनी पथकाने तातडीने या शाळेकडे जाऊन टवाळखोरांचा बंदोबस्त करावा, अशी मागणी होत आहे.
रोज सकाळी १०.३० शाळा भरताना, दुपारी १.३० वाजता मध्यान्ह भोजनाच्या सुटीत व संध्याकाळी ४.०० वाजता शाळा सुटतेवेळी १० ते १२ जणांचे टोळके शाळेच्या गेटवर ठाण मांडून असते. या नशेखोरांकडून मुलींना छेडणे, गेट वाजवणे, अश्लील टोमणे मारणे सुरू असते. काही शिक्षकांनी विरोध करण्याचा प्रयत्न केला असता या टवाळखोरांनी चक्क धमकावल्याचा प्रकार घडला. आज, २५ सप्टेंबरला तर हद्दच झाली. सकाळी १० .३० वाजता मुख्याध्यापक यशवंत आवारे यांनी या टोळक्याला हुसकावण्याचा प्रयत्न केला. त्यांना अर्धा तास टवाळखोरांनी हैराण करून सोडले. त्यामुळे अवघी शाळा दहशतीखाली आली आहे. वाळूज एमआयडीसी पोलिसांनी तातडीने टवाळखोरांवर कारवाई करावी, अशी मागणी होत आहे.
नागरिक संतप्त... दरम्यान, आजच्या प्रकारामुळे नागरिक संतप्त झाले असून, त्यांच्याकडून टवाळखोरांचा बंदोबस्त करताना अनुचित प्रकार घडण्याची शक्यता नाकारता येत नाही. त्यामुळे वेळीच पोलिसांनी हस्तक्षेप करण्याची मागणी होत आहे.
छत्रपती संभाजीनगर (मेट्रोपोलिस पोस्ट वृत्तसेवा) : जिल्ह्यात पुरेसा गॅस उपलब्ध आहे. सध्याच्या गैरफायदा घेण्यासाठी जिल्ह्यात कुणीही गॅसची साठेबाजी करत असेल...
.jpeg)
.jpeg)
.jpeg)
