सेव्हनहीलजवळील सोलारचे दुकान फोडले, ९८ हजारांची चोरी

By City News Desk

On 29 Sep 2025

सेव्हनहीलजवळील सोलारचे दुकान फोडले, ९८ हजारांची चोरी

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : सेव्हनहिलच्या अतिथी हॉटेलजवळील ज्योतिर्मय कॉम्प्लेक्समधील सोलार साहित्याचे दुकान फोडून चोरट्यांनी ९८ हजार रुपयांचा माल चोरून नेला. या प्रकरणात रविवारी (२८ सप्टेंबर) सिडको पोलिसांनी चोरट्यांविरुद्ध गुन्हा दाखल केला आहे.

यश रावसाहेब गोर्डे (वय २२, रा. सुनंदा व्हिला, ऊर्जानगर, बीड बायपास, सातारा परिसर) या तरुण व्यावसायिकाने या प्रकरणात तक्रार दिली आहे. त्याचे ज्योतिर्मय कॉम्प्लेक्स सेव्हनहिल, अतिथी हॉटेलजवळ Oscillation Energy नावाचे सोलारचे शॉप आहे. गुरुवारी (२५ सप्टेंबर) संध्याकाळी सहाच्या सुमारास दुकान बंद करून तो घरी गेला.

शुक्रवारी सकाळी नऊला दुकानात काम करणारा मुलगा अरुण जाधव याने कॉल करून यशला सांगितले, की शॉपचे शटर उचकटलेले दिसत आहे. त्यामुळे यश लगेचच दुकानावर आला. शटर उचकटलेले दिसल्याने चोरी झाल्याची खात्री झाल्याने त्याने पोलिसांना कॉल केला. पोलिसांनी घटनास्‍थळी येऊन पाहणी केली. चोरट्यांनी एकूण ९८ हजार १३३ रुपयांचे सोलार साहित्य चोरून नेल्याचे दिसून आले. अधिक तपास पोलीस अंमलदार भाऊसाहेब जगताप करत आहेत.