जड वाहनांची छत्रपती संभाजीनगर शहरात घुसखोरी!; २५९ वाहने पकडून पोलिसांनी ठोठावला दंड

By City News Desk

On 04 Nov 2025

जड वाहनांची छत्रपती संभाजीनगर शहरात घुसखोरी!; २५९ वाहने पकडून पोलिसांनी ठोठावला दंड

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : शहरात जड वाहनांना बंदी आहे. तरीही अनेक जड वाहने शहरात घुसखोरी करतात आणि वाहतुकीचा खोळंबा करून ठेवतात. त्यामुळे आज, ४ नोव्‍हेंबरला सकाळी ११ ते दुपारी २ या वेळेत वाहतूक शाखेने विशेष मोहीम हाती घेऊन शहरात प्रवेश केलेल्या जड वाहनांवर कारवाई केली. २५९ वाहनचालकांकडून २ लाख ७१ हजार ५०० रुपयांचा दंड आकारण्यात आला. यापुढे जड वाहनांवर कारवाई सुरूच ठेवण्यात येणार आहे.

ही कारवाई पोलीस आयुक्‍त सुधीर हिरेमठ, पोलीस उपायुक्त श्रीमती शर्मिष्ठा घारगे-वालावलकर यांच्या मार्गदर्शनाखाली सहायक पोलीस आयुक्त सुभाष भुजंग, पोलीस निरीक्षक अमोल देवकर, राजेश यादव, हरेश्वर घुगे, सहाय्यक पोलीस निरीक्षक सचिन मिरधे, पोलीस उपनिरीक्षक श्री. बोडले यांनी सहकाऱ्यांसह मिळून केली. यापुढेही वाहतूक शाखा वेळोवेळी वाहतूक नियमांचे उल्लंघन करणाऱ्या वाहनचालकांवर कारवाई करणार आहे. नागरिकांनी वाहनचालक परवाना, वाहनाची अद्ययावत कागदपत्रे सोबत बाळगावीत. सर्व वाहतूक नियमांचे पालन करावे. बेशिस्तपणे वाहने चालवून वाहतुकीला अडथळा निर्माण करू नये, असे आवाहन सहायक पोलीस आयुक्त सुभाष भुजंग यांनी केले आहे.