चेतक घोडा चौकात पती-पत्‍नीत भांडण, पतीने पत्नीच्या डोक्यात दगड घातला

By City News Desk

On 08 Jan 2026

चेतक घोडा चौकात पती-पत्‍नीत भांडण, पतीने पत्नीच्या डोक्यात दगड घातला

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : जय विश्व भारती कॉलनीजवळील चेतक घोडा चौकात पती-पत्‍नीचे भांडण झाले. पतीने मारहाण करत डोक्यात दगड घालून पत्नीला जखमी केले. ही घटना मंगळवारी (७ जानेवारी) संध्याकाळी साडेपाचच्या सुमारास घडली. जवाहरनगर पोलिसांनी पतीविरुद्ध गुन्हा दाखल केला आहे.

गजानन सुभाष चन्ने (रा. हनुमाननगर) असे गुन्हा दाखल झालेल्या पतीचे नाव आहे. मुक्ता गजानन चन्ने (वय ३७, रा. शिवशंकर कॉलनी) यांनी या प्रकरणात तक्रार दिली आहे. तक्रारीनुसार, त्यांचे पती घरगुती भांडणाच्या कारणामुळे ४ महिन्यांपासून वेगळे त्यांच्या आईकडे हनुमाननगरात राहतात. ते दारू पिण्याच्या सवयीचे असून, नेहमी मुक्ता यांना दारू पिऊन त्रास देतात. मंगळवारी संध्याकाळी साडेपाचच्या सुमारास चेतक घोडा, श्रीराम मंदिराजवळून मुक्ता व त्यांचा मुलगा कामाला जात असताना तिथे पतीने त्यांना गाठले. तू माझ्याविरुद्ध केस का टाकली, तू घरी का येत नाही, असे म्हणून पतीने त्यांना शिवीगाळ करुन हातचापटाने मारहाण केली. रस्त्यावरचा दगड डोक्यात मारला. तू आली नाहीस तर तुला सोडणार नाही, अशी धमकी दिली. त्यानंतर मुक्ता यांनी घाटी रुग्णालयात उपचार घेऊन जवाहरनगर पोलीस ठाणे गाठून तक्रार दिली. त्यावरून पोलिसांनी त्यांच्या पतीविरुद्ध गुन्हा दाखल केला आहे. अधिक तपास पोलीस अंमलदार मनोज उईके करत आहेत.