Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : टीव्ही सेंटर भागात शनिवारी (१८ ऑक्टोबर) सकाळी ८ वाजता भीषण आगीने सर्वांच्याच हृदयाचा थरकाप उडवला. अमोदी कुशनच्या दुकानाला आग लागली, ती वाढत जाऊन रौद्ररुप धारण केले. अग्निशमन दलाच्या जवानांनी दोन बंबाच्या मदतीने अर्ध्या तासात आगीवर नियंत्रण मिळवले. या घटनेने खळबळ उडाली. दुकान बंद असल्याने जीवितहानी टळली.
अमोदी कुशनच्या दुकानातून धुराचे लोट बाहेर येत असल्याने नागरिकांनी तातडीने अग्निशमन दलाला कळवले. अग्निशमन दलाची गाडी येईपर्यंत आगीनी रौद्ररुप धारण केले. आगीचे लोळ उठले. अग्निशमन दलाच्या जवानांनी दोन बंबांच्या साह्याने अर्ध्या तासात आगीवर नियंत्रण मिळवले. त्यानंतर तासभर कुलिंगचे काम करण्यात आले. दुकानातील गाद्या, कुशन तयार करण्याचे साहित्य जळून खाक झाले. त्यामुळे दुकानमालकाचे मोठे नुकसान झाले आहे. आग विझविल्यानंतरही धुराचे लोट बाहेर येत होते. उपअग्निशमन अधिकारी हरिचंद्र पवार, जवान अशोक पोटे, शिवाजी काकडे, तनवीर शेख, विक्रम भुईगल, गजानन गावंदे, शंकर दुधे यांनी आग विझविण्याची कामगिरी केली.
