Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : हर्सूलच्या जहांगीर कॉलनीत ३१ वर्षीय विवाहितेने राहत्या घरात गळफास घेऊन आत्महत्या केल्याची घटना बुधवारी (३ डिसेंबर) सकाळी सातला समोर आली. रमा बाळू शिंदे असे आत्महत्या केलेल्या विवाहितेचे नाव आहे.
घराच्या तळमजल्यावर रमा यांचे आई- वडील राहतात, तर पहिल्या मजल्यावर रमा, पती, मुलगा-मुलीसह राहत. मंगळवारी रात्री त्यांचे पती कंपनीत कामाला गेले. मुलगा-मुलगी आजीकडे गेले. रमा एकट्याच असताना त्यांनी मध्यरात्रीतून गळफास घेतला. बुधवारी सकाळी सातला रमा यांचे पती कंपनीतून घरी आले. रमा दरवाजा उघडत नव्हत्या. खिडकीतून डोकावल्यानंतर त्यांनी गळफास घेतल्याचे दिसले. हर्सूल पोलिसांना कळवल्यावर सहायक फौजदार केशव काकडे यांनी घटनास्थळी धाव घेतली. त्यांनी नागरिकांच्या मदतीने रमा यांना घाटी रुग्णालयात नेले असता डॉक्टरांनी तपासून मृत घोषित केले. हर्सूल पोलिसांनी आकस्मिक मृत्यूची नोंद करून तपास सुरू केला आहे.
