छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : दरवाजा जोडून घरात घुसत तरुणाला बेदम मारहाण केली. नंतर त्याचे रिक्षातून अपहरण करण्यात आल्याची घटना ब्रिजवाडीत गुरुवारी (२५ सप्टेंबर) दुपारी तीनच्या सुमारास घडली.
रोहीत सतीश साबळे (वय २०, रा. पाण्याच्या टाकीजवळ, ब्रिजवाडी, सिडको एमआयडीसी) असे अपहरण झालेल्या तरुणाचे नाव आहे. त्याचे वडील सतीश रामचंद्र साबळे (वय ४५) यांनी दिलेल्या तक्रारीवरून सिडको एमआयडीसी पोलिसांनी शिला ढेपे, सिध्दार्थ ढेपे, सतीश ढेपे, नीलेश ढेपे, बाबासाहेब गायकवाड व ४ ते ५ लोकांविरुद्ध (सर्व रा. ब्रिजवाडी) गुन्हा दाखल कले आहे. सतीश साबळे हे कंपनीत खासगी नोकरी करतात. त्यांचा मोठा मुलगा रोहीत हा ICL कंपनी NRB कंपनीशेजारी MIDC चिकलठाणा येथे नोकरी करतो.
गुरुवारी दुपारी तीनच्या सुमारास सतीश साबळे हे सिंदीबन येथे नातेवाइकाच्या घरी असताना लहाना मुलगा स्वप्निल (१७) याने त्यांना कॉल केला व सांगितले, की मी व रोहीत घरात असताना घराचा समोरचा दरवाजा वाजवण्याचा आवाज आला. बाहेर काही लोक आरडाओरड करत असल्याचा आवाज आला. दरवाजा उघडण्याच्या अगोदर त्या लोकांनी मागच्या बाजूचा किचनचा दरवाजा तोडून घरात घुसले व रोहीतला हाताचापटाने मारहाण करू लागले.
त्यात आपल्या गल्लीतीलच शिला ढेपे, सिध्दार्थ ढेपे, सतीश ढेपे, नीलेश ढेपे, बाबासाहेब गायकवाड व त्यांच्यासोबत आणखी ४ ते ५ लोक (सर्व रा. ब्रिजवाडी) होते. त्यांनी रोहीतला शिवीगाळ केली. त्यापैकी एकाने त्याच्या हातातील लाकडी दांड्याने रोहीतला मारहाण केली. रोहीतला उचलून रिक्षात टाकून घेऊन गेले. हे ऐकताच सतीश साबळे यांनी लगेचच घरी धाव घेतली. नातेवाइकांसोबत मिळून रोहीतचा शोध घेतला. मात्र तो मिळून आला नाही. अखेर साबळे यांनी सिडको एमआयडीसी पोलीस ठाण्यात धाव घेऊन तक्रार दिली. अधिक तपास सहायक पोलीस उपनिरीक्षक विष्णू मुंढे करत आहेत.
.jpg)
.jpeg)
