Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : मंजूरपुऱ्यातील ‘बॉस पब्लीक चॉईस’ रेडिमेड कपड्यांचे दुकान फोडून चोरट्यांनी ४८ हजार रुपयांचे शर्ट-पँट चोरून नेल्याची घटना मंगळवारी (४ नोव्हेंबर) सकाळी समोर आली. दुकानमालकाने गुरुवारी (६ नोव्हेंबर) सिटी चौक पोलीस ठाण्यात या चोरीची तक्रार केली. त्यावरून पोलिसांनी गुन्हा दाखल केला आहे.
इशरत अली बेग अब्दुल जब्बार बेग (वय ६०, रा. मेहबूबनगर आरेफ कॉलनी छत्रपती संभजीनगर) यांनी या प्रकरणात तक्रार दिली आहे. ते कुटुंबियांसह राहतात. बॉस पब्लीक चॉईस नावाचे त्यांचे रेडिमेड कपड्यांचे दुकान मंजुरपुऱ्यात आहे. ३ नोव्हेंबरला रात्री साडेअकराला दुकान बंद करून ते घरी गेले. ४ नोव्हेंबरला सकाळी नेहमीप्रमाणे साडेदहाला दुकान उघडण्यास आले असता दुकानाचे शटर उजव्या बाजूने उचकटलेले दिसले. त्यावरून इशरत व त्यांचा पुतण्या कादीर यांनी शटर उघडून आत बघितले असता २७० शर्ट व ९० पँट असा एकूण ४८ हजार रुपयांचा माल चोरीला गेल्याचे समोर आले. अधिक तपास पोलीस अंमलदार नागोराव घुगे करत आहेत.
.jpg)
.jpg)
