छत्रपती संभाजीनगर (मेट्रोपोलिस पोस्ट वृत्तसेवा) : संशयास्पदरित्या थांबलेल्या कारमध्ये बसलेल्या दोघांकडे पोलिसांना पिस्तुल मिळून आली. त्यांना अटक करून ४ लाखांची होंडा सिटी कार (क्र. एमएच २० इयू ६०६२) आणि लोखंडी मॅगझिन असलेले पिस्तुल जप्त करण्यात आली आहे. ही कारवाई आज, १२ जानेवारीला पहाटे तीनच्या सुमारास जिगीशा स्कूल ते सनी हॉटेलकडे जाणाऱ्या रोडवर सिडको एन ७ येथे करण्यात आली.
रविनाथ रामकृष्णा बर्डे (वय २६, रा. हरीओमनगर, सईदा कॉलनी, स्वराज्य चौक जवळ, जटवाडा रोड हर्सूल), शुभम छगन सलामपुरे (वय २५, रा. जयसिंगपुरा, बिबीका मकबरा परिसर) अशी अटक केलेल्यांची नावे आहेत. त्यांच्याविरुद्ध पोलीस अंमलदार विनोद खरात (वय ३८) यांच्या तक्रारीवरून सिडको पोलीस ठाण्यात गुन्हा दाखल करण्यात आला आहे. आज पहाटे तीनला डायल ११२ अंमलदार विनोद खरात व उत्तम जाधव हे गस्त घालत असताना सिडको एन ७ येथे कारमध्ये दोघे जण संशयास्पद बसलेले होते. पोलिसांनी त्यांना विचारपूस केली असता दोघेही उडवाउडवीची उत्तरे देऊ लागले. त्यामुळे पोलिसांचा संशय बळावला. त्यामुळे पोलीस उपनिरीक्षक एकनाथ चव्हाण कळविण्यात आले.
ते लगेचच घटनास्थळी आले. पोलिसांनी कारमधील दोघांची झडती घेतली असता रविनाथ बर्डे याच्याकडे देशी बनावटीचे पिस्तूल व मॅगझिन मिळून आले. पोलिसांनी रविनाथ आणि शुभमला ताब्यात घेऊन पोलीस ठाण्यात आणले. रविनाथविरुद्ध यापूर्वी बेगमपुरा, हर्सूल पोलीस ठाण्यात गंभीर गुन्हे दाखल आहेत. ही कारवाई पोलीस आयुक्त प्रवीण पवार, पोलीस उपायुक्त प्रशांत स्वामी, सहायक पोलीस आयुक्त मनोज पगारे यांच्या मार्गदर्शनाखाली वरिष्ठ पोलीस निरीक्षक अतुल येरमे, पोलीस उपनिरीक्षक अनिल नाणेकर, पोलीस उपनिरीक्षक एकनाथ चव्हाण, पोलीस अंमलदार विनोद खरात व उत्तम जाधव यांनी केली. अधिक तपास पोलीस उपनिरीक्षक अनिल नाणेकर करत आहेत.
.jpeg)
