महिलेची फसवणूक, बदनामी केल्याप्रकरणी पतसंस्था अध्यक्ष शंकर गोंडेविरुद्ध गुन्हा दाखल

By City News Desk

On 08 Nov 2025

महिलेची फसवणूक, बदनामी केल्याप्रकरणी पतसंस्था अध्यक्ष शंकर गोंडेविरुद्ध गुन्हा दाखल

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : युवतीशी जवळीक साधून फसवणूक करत सोशल मीडियावर तिच्या नावे खोटे प्रोफाईल तयार करून बदनामी केल्याप्रकरणी सिडको एन-४ मधील शिवराज जनसेवा अर्बन निधी लिमिटेड पतसंस्थेचा अध्यक्ष शंकर अंबादास गोंडे याच्याविरुद्ध पुंडलिकनगर पोलिसांनी गुन्हा दाखल केला आहे.

३० वर्षीय तक्रारदार युवती पतीसोबत वाद असल्याने त्याच्यापासून वेगळी राहते. मैत्रिणीच्या माध्यमातून ती गोंडे याच्या जनसेवा अर्बन संस्थेत नोकरीला लागली. गोंडे याने तिला विश्वासात घेत जवळीक साधली. नंतर तिच्या नावावर कार घेतली. ती कार अन्य लोकच वापरायचे. तिच्याच नावाने गोंडे याने मोबाइल सीमकार्डदेखील घेतले. कार व सीम कार्ड स्वतःच्या नावावर करून घे, असे सांगूनही गोंडेने ऐकले नाही.

त्यामुळे युवतीने नोकरी सोडली. त्यानंतर गोंडेने व्हॉट्स ॲपवर तिचा फोटो ठेवायला सुरुवात केली. इन्स्टाग्रामवर तिच्या नावाने बनावट खाते तयार करून आक्षेपार्ह कमेंट करू लागला, असा आरोप युवतीने तक्रारीत केला आहे. त्यामुळे तिने पुंडलिकनगर पोलीस ठाण्यात धाव घेऊन पोलीस निरीक्षक अशोक भंडारे यांच्याकडे तक्रार केली. त्यावरून गोंडेविरुद्ध गुन्हा दाखल करण्यात आला आहे. या तक्रारीवर अधिक तपास केला जात आहे.