Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : १३ वर्षीय मुलीने राहत्या घरात गळफास घेऊन आत्महत्या केल्याची धक्कादायक घटना नवाबपुऱ्यात बुधवारी (१७ डिसेंबर) सायंकाळी सातला समोर आली. आईने कामावर जाताना तिला मोबाइल दिला नव्हता. त्यामुळे रागावून मुलीने हे टोकाचे पाऊल उचलल्याचे पोलीस सूत्रांनी सांगितले.
श्रावणी गणेश सोनवणे असे आत्महत्या केलेल्या मुलीचे नाव आहे. ती आई, वडिलांसह राहत होती. गुजराती हायस्कूलमध्ये आठवीत शिकत होती. तिचे वडील कपड्यांच्या दुकानात कामाला आहेत. आई घरकाम करते. हे कुटुंब मूळचे गंगापूर तालुक्यातील तांदूळवाडीचे आहे. आई कामावर जात असताना श्रावणीने मोबाइल मागितला. मात्र, आईने कामावर जायचे असल्याने मोबाइल दिला नाही. सायंकाळी ७ वाजता आई-वडील दोघेही कामावरून घरी आले, तेव्हा वारंवार आवाज देऊनही श्रावणीने दरवाजा उघडला नाही. दरवाजा तोडल्यानंतर श्रावणी गळफास घेतलेल्या अवस्थेत दिसली. सोनवणे दाम्पत्याने एकच हंबरडा फोडला. आरडाओरड ऐकून शेजाऱ्यांनी धाव घेतली. श्रावणीला फासावरून काढून घाटी रुग्णालयात नेले. मात्र डॉक्टरांनी तपासून मृत घोषित केले. जिन्सी पोलीस अधिक तपास करीत आहेत.
.jpg)
.jpg)
