Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : मागून भरधाव आलेल्या कारने बहीण-भावाला धडक दिली. यात दोघेही गंभीर जखमी झाले. त्यानंतर कारचालक वेगाने पसार झाला. ही घटना सोमवारी (२६ ऑगस्ट) सायंकाळी पाचच्या सुमारास बजाजनगरात घडली. क्रिश किशोर राठोड (वय १९), नेहा राठोड (वय २१, दोघेही रा. साई मंदिराजवळ, बजाजनगर) अशी जखमींची नावे आहेत. क्रिश व नेहा सोमवारी सायंकाळी […]
छत्रपती संभाजीनगर (सीएससीएन वृत्तसेवा) : मागून भरधाव आलेल्या कारने बहीण-भावाला धडक दिली. यात दोघेही गंभीर जखमी झाले. त्यानंतर कारचालक वेगाने पसार झाला. ही घटना सोमवारी (२६ ऑगस्ट) सायंकाळी पाचच्या सुमारास बजाजनगरात घडली. क्रिश किशोर राठोड (वय १९), नेहा राठोड (वय २१, दोघेही रा. साई मंदिराजवळ, बजाजनगर) अशी जखमींची नावे आहेत.
क्रिश व नेहा सोमवारी सायंकाळी पाचच्या सुमारास कचरा टाकण्यासाठी शनि मंदिरासमोरील रस्त्याने जात होते. त्याचवेळी मागून भरधाव आलेल्या कारने (क्र. एमएच २० एफजी ८२७२) दोघांना मागून जोरात धडक दिली. यात नेहाच्या पोटावरून कारचे चाक गेले. ती गंभीर जखमी झाली तर क्रिशच्या उजव्या हाताला व कमरेला जबर दुखापत झाली आहे. वाळूज एमआयडीसी पोलिसांनी फरारी कारचालक ऋषिकेश भगवान औटी (२४, रा. बजाजनगर) याच्याविरुद्ध क्रिशच्या जबाबावरून गुन्हा दाखल करण्यात आला आहे. अधिक तपास पोलीस अंमलदार सुरेश तारव करत आहेत.
