हातात नंगी तलवार घेऊन दहशत माजविणाऱ्या २ गुंडांच्या आवळल्या मुसक्या!; मुकुंदवाडी बसथांब्यावरील थरार… (व्हिडीओसह)

By City News Desk

On 26 Jun 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : मुकुंदवाडी बसथांबा आणि एपीआय कॉर्नर येथे हातात नंगी तलवार घेऊन दहशत माजविणाऱ्या दोन गुंडांच्या मुसक्या मुकुंदवाडी पोलिसांनी आवळल्या. जिवावर उदार होऊन पोलिसांनी अत्‍यंत शिताफीने दोघांना पकडले. रोहित रमेश मोरे (वय २२), विशाल संजय खरात (वय २०) अशी या गुंडांची नावे आहेत. त्‍यांच्याविरुद्ध पोलीस अंमलदार सुजल शर्मा यांनी तक्रार दिली. त्‍यावरून […]

छत्रपती संभाजीनगर (सीएससीएन वृत्तसेवा) : मुकुंदवाडी बसथांबा आणि एपीआय कॉर्नर येथे हातात नंगी तलवार घेऊन दहशत माजविणाऱ्या दोन गुंडांच्या मुसक्या मुकुंदवाडी पोलिसांनी आवळल्या. जिवावर उदार होऊन पोलिसांनी अत्‍यंत शिताफीने दोघांना पकडले.

रोहित रमेश मोरे (वय २२), विशाल संजय खरात (वय २०) अशी या गुंडांची नावे आहेत. त्‍यांच्याविरुद्ध पोलीस अंमलदार सुजल शर्मा यांनी तक्रार दिली. त्‍यावरून गुन्हा दाखल करण्यात आला आहे. संशयित रोहित आणि विशाल हे गावगुंड २३ जूनला रात्री साडेदहाच्या सुमारास एपीआय कॉर्नर व मुकुंदवाडी बसस्टॉप येथील गल्लीत हातात तलवार घेऊन दहशत माजवत होते. ही माहिती सतर्क नागरिकांनी मुकुंदवाडी पोलिसांना दिली. लगेचच त्‍या ठिकाणी पोलीस अंमलदार सुजल शर्मा आणि नीलेश पाटेकर दाखल झाले. जिवावर उदार होऊन त्‍यांनी दोघांनाही ताब्‍यात घेतले. ही कामगिरी पोलीस निरीक्षक शिवाजीराव तावरे व सहायक पोलीस निरीक्षक शैलेंद्र देशमुख यांच्या मार्गदर्शनाखाली करण्यात आली. दोन्ही संशयितांकडून ४ ते ५ इंच पाते असलेली व १९ इंच लांबीची तलवार जप्त करण्यात आली.