प्लॉटिंग व्यावसायिकाच्या आत्‍महत्‍येप्रकरणी रमेश क्षीरसागरसह त्‍याच्या दोन्ही मुलांविरुद्ध गुन्हा दाखल, चिकलठाणा पोलिसांकडून गांभीर्याने तपास

By City News Desk

On 17 Jul 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : प्लॉटिंग व्यावसायिक रवींद्र सुखदेव बनकर (वय ३६, रा. शिवाजीनगर) यांच्या आत्‍महत्‍येप्रकरणी चिकलठाणा पोलिसांनी रमेश लक्ष्मण क्षीरसागर, त्याची मुले विष्णू व नारायणविरुद्ध मंगळवारी (१६ जुलै) गुन्हा दाखल केला. रवींद्र बनकर यांनी गांधेली शिवारातील विहिरीत उडी घेऊन आत्‍महत्‍या केल्याचे सोमवारी (१५ जुलै) सायंकाळी समोर आले होते. १२ जुलैपासून ते घरातून बेपत्ता होते. […]

छत्रपती संभाजीनगर (सीएससीएन वृत्तसेवा) : प्लॉटिंग व्यावसायिक रवींद्र सुखदेव बनकर (वय ३६, रा. शिवाजीनगर) यांच्या आत्‍महत्‍येप्रकरणी चिकलठाणा पोलिसांनी रमेश लक्ष्मण क्षीरसागर, त्याची मुले विष्णू व नारायणविरुद्ध मंगळवारी (१६ जुलै) गुन्हा दाखल केला.

रवींद्र बनकर यांनी गांधेली शिवारातील विहिरीत उडी घेऊन आत्‍महत्‍या केल्याचे सोमवारी (१५ जुलै) सायंकाळी समोर आले होते. १२ जुलैपासून ते घरातून बेपत्ता होते. चितेगावात हार्डवेअरचा व्यवसाय असलेल्या रमेश क्षीरसागरने रवींद्र यांचा ८४० स्क्वेअर फुटांचा प्लॉट बळकावला होता. १३ मे रोजी क्षीरसागरने रवींद्र यांना प्लॉटवर पुन्हा न येण्याचे धमकावले होते. रवींद्र यांनी विविध शासकीय विभागांकडे याबाबत दाद मागितली. मात्र, त्यांना मदत मिळाली नाही. क्षीरसागरदेखील धमक्या देत होता.

सुसाईड नोटमध्ये काय होते…
रवींद्र यांच्या सुसाईड नोटमध्ये म्हटले आहे, की ग्रामपंचायतीत रीतसर नोंद असतानादेखील कोणीही तक्रारीची दखल घेतली नाही. देवळाईच्या पटेल नामक मित्राकडे कागदपत्रे आहेत. मी माझे जीवन संपवत आहे. मी सगळ्यांकडे जाऊन थकलो, कोणीच मदत केली नाही… दरम्‍यान, या प्रकरणात एका नेत्‍याचेही नाव चर्चेत असून, या नेत्याचे नातेवाईक असल्याने तक्रारीची दखल घेतली नसल्याचे सुसाईड नोटमध्ये रवींद्रने म्‍हटले आहे.