नोकरीच्या आमिषाने ८ लाखांचा गंडा; आरोग्य विभागाच्या वरिष्ठ अधिकाऱ्याविरुद्ध गुन्हा दाखल, छत्रपती संभाजीनगरातील घटना

By City News Desk

On 21 Aug 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : तुमच्या मुलाला आरोग्य विभागात नोकरीला लावून देतो असे आमिष दाखवून ८ लाख रुपयांचा गंडा घालणाऱ्या आरोग्य विभागाच्या वैद्यकीय अधीक्षक गणेश सोपान पाटील (रा. जामनेर, जि. जळगाव) याच्याविरुद्ध बेगमपुरा पोलिसांनी मंगळवारी (२० ऑगस्ट) गुन्हा दाखल केला आहे. महादू रयाजी गवारे (वय ५६, रा. भरतनगर, हडको कॉर्नर, ह. मु. भक्‍तीनगर, पिसादेवी) यांनी […]

छत्रपती संभाजीनगर (सीएससीएन वृत्तसेवा) : तुमच्या मुलाला आरोग्य विभागात नोकरीला लावून देतो असे आमिष दाखवून ८ लाख रुपयांचा गंडा घालणाऱ्या आरोग्य विभागाच्या वैद्यकीय अधीक्षक गणेश सोपान पाटील (रा. जामनेर, जि. जळगाव) याच्याविरुद्ध बेगमपुरा पोलिसांनी मंगळवारी (२० ऑगस्ट) गुन्हा दाखल केला आहे.

महादू रयाजी गवारे (वय ५६, रा. भरतनगर, हडको कॉर्नर, ह. मु. भक्‍तीनगर, पिसादेवी) यांनी या प्रकरणात तक्रार दिली आहे. ते बजाज कंपनीतून सेवानिवृत्त झालेले आहेत. त्‍यांची ओळख गणेश पाटीलसोबत झाल्याने पाटीलने त्‍यांना तुमच्या मुलाला आरोग्य विभागात लिपिक म्‍हणून नोकरीला लावतो असे आमिष दाखवले व त्‍यासाठी ८ लाख रुपये मागितले. गवारे यांनी घर विकून, नातेवाइकांकडून उसनवारी करून, पत्‍नीचे दागिने विकून ८ लाख रुपये पाटीलला दिले. त्‍याने गवारे यांच्या मुलाची शैक्षणिक कागदपत्रे घेतली. एक महिन्यानंतर गवारे यांनी विचारणा केली असता त्‍याने प्रयत्‍न सुरू असल्याचे सांगितले. नंतर वारंवार कॉल करून विचारणा केली असता तो उडवाउडवीची उत्तरे देऊ लागला. पैसे परत मागितले असता तू मला दिलेले पैसे विसरून जा, मला भेटण्याचा प्रयत्‍न करू नको अन्यथा तुझ्या घरी गुंड पाठवून तुला जीवे मारेन, अशी धमकी पाटीलने दिली. अखेर गवारे यांनी बेगमपुरा पोलीस ठाण्यात तक्रार दिली. अधिक तपास पोलीस उपनिरीक्षक शंकर डुकरे करत आहेत.