Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : पोलीस आयुक्त प्रवीण पवार यांनी दोन सहायक पोलीस आयुक्तांच्या अंतर्गत बदल्या केल्या आहेत. यात प्रशासन विभागाचे सहायक पोलीस आयुक्त सुभाष भुजंग यांची गुन्हे तर गुन्हे शाखेचे धनंजय पाटील यांची वाहतूक विभागात बदली करण्यात आल्याचे सूत्रांनी सांगितले. शहरात रुजू झालेले नवे सहायक पोलीस आयुक्त मनोज पगारे यांच्याकडे प्रशासन विभागाचा पदभार देण्यात […]
छत्रपती संभाजीनगर (सीएससीएन वृत्तसेवा) : पोलीस आयुक्त प्रवीण पवार यांनी दोन सहायक पोलीस आयुक्तांच्या अंतर्गत बदल्या केल्या आहेत. यात प्रशासन विभागाचे सहायक पोलीस आयुक्त सुभाष भुजंग यांची गुन्हे तर गुन्हे शाखेचे धनंजय पाटील यांची वाहतूक विभागात बदली करण्यात आल्याचे सूत्रांनी सांगितले. शहरात रुजू झालेले नवे सहायक पोलीस आयुक्त मनोज पगारे यांच्याकडे प्रशासन विभागाचा पदभार देण्यात आला.
सहायक पोलीस आयुक्त धनंजय पाटील दीड वर्षांपासून गुन्हे शाखेत होते. रांजणगाव शेणपुंजी येथील कपिल पिंगळे खून प्रकरणाचा तपासही त्यांच्याकडे आहे. या प्रकरणात त्यांनी पाच मारेकऱ्यांसह मास्टरमाइंड शिवराम ठोंबरेला अटक केली आहे. शहरात सध्या वाहतुकीचा बोजवारा उडालेला आहे. वाहतुकीला शिस्त लावण्यासाठी धनंजय पाटील यांच्या अनुभवाचा कस लागणार आहे.
छत्रपती संभाजीनगर, जालना येथे स्थानिक गुन्हे शाखेचा पदभार सांभाळलेल्या सुभाष भुजंग यांना गुन्हे विभाग देऊन पोलीस आयुक्तांनी योग्य व्यक्तीला योग्य जबाबदारी दिल्याची चर्चा पोलीस दलात आहे. शहरात आधी सहायक पोलीस आयुक्तांची संख्या कमी होती. आता वरिष्ठ अधिकाऱ्यांचे पुरेसे मनुष्यबळ आहे. विशेष शाखेच्या सहायक पोलीस आयुक्तांचे पद कधी भरणार आणि ते कुणाकडे जाते, याकडे आता पोलीस दलाचे लक्ष लागले आहे.
.jpg)
.jpeg)
