Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : मराठा आरक्षणासाठी जिल्ह्यात आणखी एक आत्महत्या समोर आली आहे. वाळूज एमआयडीसीतील रांजणगाव शेणपुंजी येथे सोपान दशरथ सातपुते (वय ४०, मूळ रा. एकलेहरा, ता. गंगापूर) या कामगाराने राहत्या घरी गळफास घेऊन आत्महत्या केली. ही खळबळजनक घटना बुधवारी (३ जुलै) सायंकाळी घडली. आत्महत्येपूर्वी सोपान यांनी चिठ्ठी लिहून ठेवली आहे. त्यातून ही आत्महत्या […]
छत्रपती संभाजीनगर (सीएससीएन वृत्तसेवा) : मराठा आरक्षणासाठी जिल्ह्यात आणखी एक आत्महत्या समोर आली आहे. वाळूज एमआयडीसीतील रांजणगाव शेणपुंजी येथे सोपान दशरथ सातपुते (वय ४०, मूळ रा. एकलेहरा, ता. गंगापूर) या कामगाराने राहत्या घरी गळफास घेऊन आत्महत्या केली. ही खळबळजनक घटना बुधवारी (३ जुलै) सायंकाळी घडली.
आत्महत्येपूर्वी सोपान यांनी चिठ्ठी लिहून ठेवली आहे. त्यातून ही आत्महत्या मराठा आरक्षणासाठी झाल्याचे दिसून येते. सोपान सातपुते १० वर्षांपासून रांजणगाव शेणपुंजी येथील श्रीरामनगरात माजी उपसरपंच अशोक शेजूळ पाटील यांच्या घरात पत्नी ज्योती, मुलगा हृषिकेश व मुलगी कीर्ती यांच्यासह भाड्याने राहत होते. एका खासगी कंपनीत ते कंत्राटी कामगार होते. सायंकाळी मुलगा घरी आला असता त्याला वडिलांनी गळफास घेतल्याचे दिसले. त्याने हंबरडा फोडला. शेजारी धावून आले. एमआयडीसी वाळूज पोलिसांना घटनेची माहिती मिळताच त्यांनी तातडीने घटनास्थळी धाव घेतली.
ग्रामपंचायतीच्या रुग्णवाहिकेतून मृतदेह घाटी रुग्णालयात नेण्यात आला. सोपान यांच्या खिशात सुसाईड नोट सापडली. त्यात लिहिले आहे,की जरांगे पाटील, आरक्षण मिळणार आहे का, शेतात पिकत नाही, नोकरी नाही, माझ्या लेकरांना आणि समाजाला आरक्षण द्या, ज्योती मला माफ कर, नाना, दादा व दीदीला सांभाळा, तुमचाच सोपान… जय शिवराय… असा भावनिक मजकूर आहे. वाळूज एमआयडीसीत आतापर्यंत तिघांनी आत्महत्या केली आहे. यात बजाजनगरातील महेश ऊर्फ ओम मोरे (वय २०), दत्ता महिपाल (वय २६, रा. वडगाव कोल्हाटी, मूळ रा. शिंदेवाडी, ता. माजलगाव, जि. बीड) यांचा समावेश आहे.
.jpg)
