कोंबडी विकत घेण्यासाठी आला अन्‌ अश्लील चाळे केले..!; ३८ वर्षीय महिलेची छावणी पोलिसांत तक्रार

By City News Desk

On 08 Aug 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : कोंबडी विकत घेण्याच्या बहाण्याने पोल्ट्री फार्मवर आलेल्या पुरुषाने ३८ वर्षीय महिलेसोबत अश्लील चाळे केल्याचा प्रकार पडेगावमध्ये समोर आला आहे. या प्रकरणी बुधवारी (७ ऑगस्ट) छावणी पोलिसांनी संशयिताविरुद्ध गुन्हा दाखल केला आहे. बायजीपुऱ्यात राहणाऱ्या पीडित महिलेचा पडेगावमध्ये कुक्कुटपालनाचा व्यवसाय आहे. २० जुलैच्या घटनेची तक्रार तिने बुधवारी (७ ऑगस्ट) दिली आहे. तिने […]

छत्रपती संभाजीनगर (सीएससीएन वृत्तसेवा) : कोंबडी विकत घेण्याच्या बहाण्याने पोल्ट्री फार्मवर आलेल्या पुरुषाने ३८ वर्षीय महिलेसोबत अश्लील चाळे केल्याचा प्रकार पडेगावमध्ये समोर आला आहे. या प्रकरणी बुधवारी (७ ऑगस्ट) छावणी पोलिसांनी संशयिताविरुद्ध गुन्हा दाखल केला आहे.

बायजीपुऱ्यात राहणाऱ्या पीडित महिलेचा पडेगावमध्ये कुक्कुटपालनाचा व्यवसाय आहे. २० जुलैच्या घटनेची तक्रार तिने बुधवारी (७ ऑगस्ट) दिली आहे. तिने तक्रारीत म्‍हटले आहे, की २० जुलैला दुपारी एकच्या सुमारास ती कुकुटपालन व्यवसायाच्या ठिकाणी असताना एक अनोळखी व्यक्‍ती कोंबडी विकत घेण्यासाठी आला होता. त्यावेळी महिलेचे पती तिथे नव्हते. त्याचा फायदा घेऊन त्‍या व्यक्‍तीने तिचा हात धरून आतमध्ये ओढत नेले.

महिला त्याला विरोध करत असल्याने तो म्हणाला, की तुझा नवरा येथे नाही. मला तुझ्यासोबत बोलायचे आहे, असे म्हणून तो अश्लील चाळे करू लागला. महिलेने आरडाओरडा केला असता तिला सोडून पळून गेला. ही घटना महिलेने पतीला सांगितल्यानंतर तिच्या कुटुंबीयांनी त्या व्यक्‍तीचा शोध घेतला असता त्याचे नाव शरण सावळकर (रा. मीरानगर, पडेगाव) असल्याचे समजले. आजारी पडल्याने ती तक्रार देण्यासाठी येऊ शकली नाही, असे तिने तक्रारीत म्‍हटले आहे. पोलिसांनी शरण सावळकरविरुद्ध गुन्हा दाखल केला असून तपास पोलीस निरीक्षक राजेंद्र होळकर करत आहेत.