लई भारी… आपलं विमानतळ देशात टॉप टेनमध्ये, ४.९३ रेटिंगसह ८ व्या स्थानी!!

By City News Desk

On 20 Jul 2025

लई भारी… आपलं विमानतळ देशात टॉप टेनमध्ये, ४.९३ रेटिंगसह ८ व्या स्थानी!!

छत्रपती संभाजीनगर (सीएससीएन वृत्तसेवा) : छत्रपती संभाजीनगरसाठी एक गूड न्‍यूज आहे. चिकलठाणा आंतरराष्ट्रीय विमानतळाने देशातील टॉप-१० विमानतळांमध्ये स्थान मिळवले आहे. देशातील ६० विमानतळांत चिकलठाणा विमानतळ आता आठव्या क्रमाकांवर आले असून, यंदा ४.९३ रेटिंग मिळाले आहे. गेल्यावर्षीपेक्षा ०.०६ गुणांनी रेटिंगमध्ये सुधारणा केल्याने विशेष कौतुक होत आहे. एअरपोर्ट्‌स ॲथॉरिटी ऑफ इंडियाने (एएआय) ग्राहक समाधान सर्वेक्षण (सीएसएस) नुकतेच […]

छत्रपती संभाजीनगर (सीएससीएन वृत्तसेवा) : छत्रपती संभाजीनगरसाठी एक गूड न्‍यूज आहे. चिकलठाणा आंतरराष्ट्रीय विमानतळाने देशातील टॉप-१० विमानतळांमध्ये स्थान मिळवले आहे. देशातील ६० विमानतळांत चिकलठाणा विमानतळ आता आठव्या क्रमाकांवर आले असून, यंदा ४.९३ रेटिंग मिळाले आहे. गेल्यावर्षीपेक्षा ०.०६ गुणांनी रेटिंगमध्ये सुधारणा केल्याने विशेष कौतुक होत आहे.

एअरपोर्ट्‌स ॲथॉरिटी ऑफ इंडियाने (एएआय) ग्राहक समाधान सर्वेक्षण (सीएसएस) नुकतेच केले. त्‍यातून छत्रपती संभाजीनगरचा लौकीक वाढविणारी ही कामगिरी चिकलठाणा विमानतळाने केल्याचे समोर आले. यंदा देशभरातील एकूण ६० विमानतळांचे मूल्यांकन करण्यात आले. त्‍याआधारे ५ पैकी रेटिंग देण्यात आली. उदयपूर, खजुराहो आणि भोपाळच्या विमानतळाला ५ पैकी ५ रेटिंग मिळाले आहे. २०२४ मध्ये ४.८७ रेटिंग घेऊन चिकलठाणा विमानतळ देशात १३ व्या क्रमांकावर होते. आता थेट टॉप-१० मध्ये आले. दिवसभरात १०० उड्डाणे घेण्याच्या क्षमतेचा अद्यापही वापर होत नाही. २०२५ मध्ये केलेल्या नवीन सुविधांमुळे ही कामगिरी शक्‍य झाली असून, टर्मिनल इमारतीतील सर्व ११ स्वच्छतागृहांचे नूतनीकरण केले आहे. पार्किंग क्षेत्रात ईव्ही चार्जिंग स्टेशनची सुरुवात, लहान मुलांसाठी चाइल्ड प्ले एरिया, प्रवासी हाताळण्याची क्षमता ८०० वरून २ हजार ८५० पर्यंत वाढविल्याने ही उंची गाठता आली, असे चिकलठाणा आंतरराष्ट्रीय विमानतळाचे संचालक शरद येवले यांनी पत्रकारांना सांगितले.