जर तुम्हाला चांगली नोकरी हवी असेल, तर मोठा सीव्ही आणि वर्षानुवर्षे अनुभव पुरेसा नाही; सामाजिक कौशल्ये देखील महत्त्वाची आहेत. एका उद्योजकाने अलीकडेच उघड केले की त्याने एकदा अशा मुलीला कामावर ठेवले, जिला कामाचा अनुभव नव्हता, परंतु तिचे सामाजिक कौशल्य आश्चर्यकारक होते. ती नंतर त्यांच्या सर्वोत्तम कर्मचाऱ्यांपैकी एक असल्याचे सिद्ध झाले.
"द डायरी ऑफ अ सीईओ पॉडकास्ट’चे संस्थापक आणि होस्ट स्टीव्हन बार्टलेट यांनी अलीकडेच सामाजिक कौशल्यांबद्दल एक डोळे उघडणारी घटना शेअर केली. त्यांनी लिंक्डइन पोस्टमध्ये लिहिले आहे की, मी एका मुलीला कामावर ठेवले जिचा बायोडाटा फक्त दोन ओळींचा होता आणि तिला कोणताही अनुभव नव्हता. यामागील मुख्य कारण म्हणजे मुलीचे सामाजिक कौशल्य. स्टीवनने पोस्टमध्ये म्हटले आहे की, इमारतीत प्रवेश करताना तिने सुरक्षारक्षकाचे खिशावरील नेमप्लेट पाहून नाव घेत आभार मानले. मुलीने एक चांगली कर्मचारी आणि जलद शिकणारी क्षमता दाखवल्याने तिला नोकरी दिली.
मुलाखतीदरम्यान काय घडले?स्टीवनने स्पष्ट केले की मुलाखतीदरम्यान, मुलीने अतिशय साधेपणाने आणि प्रामाणिकपणे कबूल केले की तिला काहीही माहित नाही. मात्र प्रश्नांची उत्तरे तिने शोधून नंतर स्टीवनला ईमेलद्वारे पाठवली.
फ्रेशर्सनी या गोष्टी लक्षात ठेवाव्यात...स्टीवनचा असा विश्वास आहे, की कौशल्ये, साधने आणि तांत्रिक ज्ञान फ्रेशर्सना कमी वेळात शिकवता येते, परंतु चारित्र्य, भावनिक बुद्धिमत्ता, महत्त्वाकांक्षा आणि खरे समर्पण यासारखे गुण शिकवता येत नाहीत. फ्रेशर्सनी या गोष्टींकडेही लक्ष दिले पाहिजे.
चारित्र्य : जर तुम्ही करिअर सुरू करणार असाल, तर तुमच्या सीव्हीपूर्वी चारित्र्यावर काम करणे अत्यंत महत्त्वाचे आहे. कंपन्या अशा कर्मचाऱ्यांवर अधिक विश्वास ठेवतात जे वक्तशीर असतात, त्यांची वचन पाळतात आणि चुका मान्य करण्यास आणि त्या सुधारण्यास तयार असतात. ऑफिसमध्ये विश्वासार्ह असणे हा एक महत्त्वाचा गुण आहे.
भावनिक बुद्धिमत्ता : ही तुमची खरी ताकद बनू शकते. जर तुम्ही वरिष्ठांचे मार्गदर्शन आणि अभिप्राय अपमान म्हणून नव्हे तर शिकण्याची संधी म्हणून पाहिले तर ते वैयक्तिक विकासासाठी उत्प्रेरक आहे.
महत्त्वाकांक्षी : जर तुम्ही तुमच्या कामावर कठोर परिश्रम केले आणि अपयशाने निराश होण्याऐवजी तुम्ही तुमच्या प्रयत्नांना दुप्पट केले तर तुम्हाला यश मिळविण्यापासून काहीही रोखू शकत नाही.
सुधारण्यासाठी प्रयत्न करा : जरी तुमच्याकडे मर्यादित कामाचा अनुभव असेल आणि कौशल्यांची कमतरता असेल, तरी दररोज सुधारणा करण्याचा प्रयत्न केल्याने एके दिवशी तुम्ही त्या क्षेत्रात मास्टर व्हाल. कारण प्रतिभा एका रात्रीत येत नाही.
कंपनी कोणाला कामावर ठेवते?
स्टीव्हनने त्यांच्या पोस्टमध्ये असेही नमूद केले आहे की त्यांच्या कंपनी संस्कृतीत अशा लोकांना महत्त्व दिले जाते जे कठोर परिश्रम करण्यास तयार असतात, महत्त्वाकांक्षी असतात आणि उच्च भावनिक बुद्धिमत्ता असते. त्या मुलीने या पॅरामीटर्सवर खूप चांगले काम केले आणि आज ती सर्वोत्तम कर्मचाऱ्यांपैकी एक बनली आहे. स्टीव्हन म्हणतात, की ती मुलगी मी आतापर्यंत नियुक्त केलेल्या सर्वोत्तम लोकांपैकी एक आहे.
.jpeg)
