खैरे, तनवाणी, दानवेंसह ४७ जणांची निर्दोष मुक्तता!; काय आहे जवाहरनगर पोलीस ठाण्यातील प्रकरण...

By City News Desk

On 04 Jan 2026

खैरे, तनवाणी, दानवेंसह ४७ जणांची निर्दोष मुक्तता!; काय आहे जवाहरनगर पोलीस ठाण्यातील प्रकरण...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : जवाहरनगर पोलीस ठाण्यात पोलिसांवर हल्ला केल्याच्या प्रकरणात माजी खासदार चंद्रकांत खैरे, माजी आमदार किशनचंद तनवाणी, माजी विरोधी पक्षनेते अंबादास दानवे यांच्यासह तब्बल ४८ जणांची निर्दोष मुक्तता करण्याचे आदेश सत्र न्यायाधीश राजेश पाटील यांनी गुरुवारी (३ जानेवारी) दिले. आंतरजातीय विवाहाच्या पार्श्वभूमीवर २०१२ मध्ये हा राडा झाला होता.

मुस्लिम तरुणाने सिंधी समाजातील तरुणीला फूस लावून आंतरधर्मीय विवाह केल्याचा आरोप होता. त्यावरून जवाहरनगर पोलीस ठाण्यात २५ ऑगस्ट २०१२ रोजी तणाव निर्माण झाला. या आंतरधर्मीय विवाहाला हिंदुत्ववादी नेत्यांनी कडाडून विरोध करत पोलीस ठाण्याबाहेर गर्दी जमवली. चिथावणीखोर घोषणा दिल्या. धमक्या दिल्या. पोलिसांना धक्काबुक्की व मारहाण केली, शस्त्रे हिसकावण्याचा प्रयत्न केला. पोलीस ठाण्यात घुसून शासकीय मालमत्तेचे नुकसान केले, असा आरोप लावण्यात आला होता. तशा आशयाची फिर्याद तत्कालीन पोलीस निरीक्षक हेमंत कदम यांनी दिली होती. त्यावरून गुन्हा दाखल करण्यात आला होता. या प्रकरणात तपासानंतर २०१६ मध्ये दोषारोपपत्र दाखल करण्यात आले होते. न्यायालयात सुनावणीदरम्यान सरकार पक्षाने ७ साक्षीदारांचे जबाब नोंदवले होते. जबाबात विसंगती, तपासात त्रुटी, परिस्थितीजन्य व तांत्रिक पुराव्यांचा अभाव, कथित लाठीहल्ल्याबाबत पुरावे समोर आले नाहीत. त्यामुळे न्यायालयाने सर्वांची निर्दोष मुक्तता केली.