Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : महानगरपालिका निवडणुकीत आर्थिक देवाणघेवाण टाळण्यासाठी प्रशासन अलर्ट मोडवर असून, शहरात येणाऱ्या वाहनांची मोठ्या प्रमाणात तपासणी केली जात आहे. शुक्रवारी (२ जानेवारी) सकाळी गोलवाडी फाट्यावर एका कारमध्ये ३ लाख ५५ हजार रुपयांची रोकड मिळून आली. कारचालक मधुकर सीताराम पवार यांनी समाधानकारक उत्तर दिले नाही. त्यामुळे निवडणूक विभागाच्या पथकाने ही रक्कम जप्त केली.
कारच्या डॅशबोर्डमध्ये ५०० रुपयांच्या एकूण ७१० नोटा होत्या. निवडणूक काळात मोठ्या प्रमाणात रोख रक्कम बाळगणे आदर्श आचारसंहितेचे उल्लंघन आहे. पवार रकमेबाबत खुलासा करू न शकल्याने पैसे जप्त करून पुढील कार्यवाहीसाठी निवडणूक निर्णय अधिकाऱ्यांकडे जमा करण्यात आले. ही कारवाई पथक प्रमुख सचिन गाडेकर यांच्या नेतृत्वाखाली सहायक पथकप्रमुख मनोज चव्हाण, पोलीस अंमलदार एल. बी. इथापे, पी. बी. दायमा, व्हिडीओग्राफर नयन मगर यांनी केली. आचारसंहिता कक्ष प्रमुख सविता सोनवणे, जावेद काझी, रोहित मिसाळ, प्रभाकर गोदे यांनी घटनास्थळी पाहणी केली.
.jpg)
.jpg)
